Sosolhayic̕ 2:4 - সান্তালী বাইবেল

⁴ Iń do napṛakʼ napṛakʼ kạmikoń kạmikeda. Iń do apnar lạgitʼ aema oṛakʼ koń benaoana ar aema darkha bagwankoń tearkeda.

Sosolhayic̕ 2:4 Referans Kwoze

Jesaea 5:1

Ińiń dulạṛede kan lạgitʼ do mitʼṭecʼ sereńiń sereńa, uniyakʼ darkha bagwan reaṅakʼgeń sereńa. Burure mitʼṭecʼ bhage hasawan jaegare ińren dulạṛiạwakʼ mitʼṭecʼ darkha bagwan tahẽkana.

Soros sereń 7:12

Dela, ạḍire laṅ beredokʼa ar darkha bagwante laṅ bolokʼa, onḍe darkha nạ̃ṛĩ bhoṭogokʼ kana se baṅa, onare baha do saṛ akana se baṅa, ar ḍạlim bahako baha akana se baṅa ona laṅ ńela; ar iń do onḍege ińakʼ dulạṛiń emama.

Soros sereń 1:14

Dulạṛiạtiń do mehndi baha thopa leka kantińae Engedi reakʼ darkha bagwan talare.

Sereńko 49:11

Onko doko hudisa akoakʼ oṛakʼ duạr do tahengetakoa, ar tahen ṭhạ̃i hõ piṛhike piṛhi ṭikạu tahena, onate akoakʼ ńutumtege onko do sompotti reakʼ ńutumko emeda.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

2 Bõsbudạ 8:11

Solomon do Pharaoren hoponera lạgitʼ okaṭakʼ oṛakʼe benaoletʼ tahẽkan uni do Dạud nagraha khon onḍeye ạgukedea. Uni doe menkeda, “Ińren bạhu do Israelren raj Dạudakʼ oṛakʼre do bae tahena, ente okako jaegare Probhu Isorakʼ sinduk ạgu hoylen onako ṭhạ̃i do sonotgea.”

1 Bõsbudạ 27:27

Darkha bagwan reakʼ bhar do Ramathi Simaye cetanre tahẽkana. Ar bagwan khon oka darkha rasa ńamokʼkan tahẽkan ona murại reakʼ bhar do Sphmi hoṛ Sabdiye cetanre tahẽkana.

1 Rapajko 15:19

“Ińren ạpuń ar amren ạpum leka dela, alaṅ hõ mitʼṭecʼ laṅ bondobos laṅ bandhaoma. Iń do noako sona ar rupạko dan lekateń kolatʼmea. Am do ńitokʼ Israelren raj Basa sãote okaṭakʼ bondobos menakʼ ona baṛe rạpudme, enḍekhan uni do iń ṭhen khone ruạṛ calakʼa.”

1 Rapajko 9:1

Nonkate Solomon do Probhu Isorakʼ oṛakʼ, raj dolan ar acʼ apnar kusi leka okako kạmiye menletʼ onako sanamakʼe sạtkeda.

2 Samuel 18:18

Absalom tinre jiwetʼe tahẽkana unre uni do apnar lạgitʼ buru lodamre mitʼṭecʼ raj nisạne benaoan tahẽkana. Uni doe menleda, “Ińakʼ ńutum rukhiyại lạgitʼ ińren do cele hoponge bạnukʼkotińa.” Onate acʼakʼ ńutumte ona nisạn khunṭi reakʼ ńutume doholeda. Ar teheń hạbicʼ ona nisạn khunṭi do Absalom khunṭiko metakʼkana.

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”