Sosolhayic̕ 2:26 - সান্তালী বাইবেল

²⁶ Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sosolhayic̕ 2:26 Referans Kwoze

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Kạhtukko 28:8

Okoe hoṛ jãhã lekan sudtege acʼakʼ dhone baḍhaotae, uni do nandanko dayawako lạgitʼge onae jarwayeda.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Jobakʼ 32:8

Sạrige manwa talare jiu do menaegea, ar sanam daṛeanicʼakʼ sahẽtʼge uni doe bujhạu ocoyedekana.

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Sosolhayic̕ 1:14

Siń cando latarre jãhãnakʼge cekae hoyokʼ ona jotogeń ńelkeda; ariń ńelkeda jotowakʼge ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Jobakʼ 38:36

Kạriḍaṅ rimilkore ạkil do okoeye ematʼa, ar kuṛhạkore buj hõ okoeye emakawada?

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Kạhtukko 2:6

ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Sosolhayic̕ 1:13

Serma latarre okako cekae hoyokʼ ona do ạkil hotete biḍạu ar ḍunḍhạu lạgitʼ iń mone murukleda. Ariń ńelkeda, Isor do manwako cetanre tinạkʼ duke lade akatʼkoa!

Sosolhayic̕ 2:25

Ente uni bae emlen khan okoeye jom daṛekea seye rạskạ daṛekokʼa?

Sosolhayic̕ 3:10

Isor do manwa cetanre oka bojhae lade akatʼ ona doń ńelakada.