Sosolhayic̕ 2:22 - সান্তালী বাইবেল

²² Siń cando latarre manwa okae khaṭaokʼkan are cintạ bhabnakʼkan ona kuṛại reakʼ uniyakʼ do cetʼ porho hoyokʼtaea?

Sosolhayic̕ 2:22 Referans Kwoze

Sosolhayic̕ 1:3

Siń cando latarre manwa okae khaṭaokʼkan ona khaṭaokʼ reakʼ porho do cetʼ tae?

Sereńko 127:2

Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

1 Patras 5:7

Apeakʼ sanam dạndiko unire lade giḍikakʼpe, ente uni do ape reaṅe dạndikʼ kana.

1Timothi 6:8

Onate jomakʼ ar horokʼ bandeakʼ tahen khan abo do dhirpur akae bon tahenma.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Mathae 6:34

Gapa lạgitʼ do alope dạndikʼa; gapa reakʼ dạndi do gapage dạndi ocowaepe. Ar dintetʼ lạgitʼ do enhilokʼ reakʼ haronge ḍhera.

Sosolhayic̕ 4:6

Hoe tayomte ńir calakʼ lạgitʼ khaṭaokate bar ańjle ńam khon sulukte mitʼ cuputʼ ńamge bhagea.

Sosolhayic̕ 3:9

Okoeye kạmikan uni do cetʼ acʼakʼ khaṭaokʼakʼ reakʼ jo bae ńama?

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Mathae 6:11

Aleakʼ jạruṛ jomakʼ de teheń emalem.

Sosolhayic̕ 8:15

Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.

Sosolhayic̕ 5:17

Uni do jiwetʼ jonomge ńutreye tahenkana ar edre are kạhĩsokʼ kana.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Luk 12:29

Cetʼpe joma ar cetʼpe ńũiya mente hudiskate alope uduṛ dhupuṛ baṛaea.

Luk 12:22

Ona tayom Jisu do acʼren celakoe metatʼkoa, “Noa iạtegeń metapekana, jiwi lạgitʼ do alope dandokʼa cetʼpe joma; ar hoṛmo lạgitʼ hõ alope dạndikʼa cetʼpe horokʼ bandea mente.

Mathae 6:25

“Noa iạteń metapekana, bańcao tahen lạgitʼ cetʼpe joma se cetʼpe ńũiya se hoṛmo lạgitʼ cetʼpe horokʼ-bandea ona do alope dạndikʼa. Jiwi do eken jom ar ńũi lạgitʼ do baṅkana, ar hoṛmo hõ horokʼ bandekʼ lạgitʼ do baṅa.

Kạhtukko 16:26

Reṅgecʼ do manwa artetʼgeye khaṭao ocoyea; ar uniyakʼ reṅgecʼ iạteye onka ocoyea.

1 Korinthiko 16:16

Onate ape hõ nonkan hoṛko ṭhen gobolokʼ lạgitʼ iń nehõrape kana. Ar tinạkʼ do kạmireko gokʼṛokan, arko khaṭaokʼkan onko ṭhen hõ gobolokʼpe.

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.