Sosolhayic̕ 2:19 - সান্তালী বাইবেল

¹⁹ Uni hoṛ do ạkilan se lelhayicʼe hoyokʼa ona do okoeye baḍaea? Enhõ uni do ińakʼ khaṭaoakʼ reakʼ mạlike hoyokʼa, oka do siń cando latarreń khaṭaolen ariń hameṭakatʼ. Noa hõ ạuṛiyakʼgea.

Sosolhayic̕ 2:19 Referans Kwoze

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Sosolhayic̕ 3:22

Onateń ńelkeda, nijakʼ kạmire rạskạkʼ chaḍa ar bhage jãhãnakʼ do manwa lạgitʼ bạnukʼa. Onage uniyakʼ kuṛại do, ente uniyakʼ gujukʼ tayom cetʼ hoyokʼtae ona do okoeye udukʼ daṛekea?

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Sosolhayic̕ 9:13

Iń do siń cando latarre ạkil reaṅ nonkan mitʼṭecʼ iń ńelkeda ar ińakʼ bujre ona do sorosakʼge tahẽkana.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1 Rapajko 12:13

Raj do murubbikoakʼ sopolha bae hetawatʼte ạḍi keṭecʼ kathateye roṛ ruạṛatʼkoa.

Sosolhayic̕ 2:20

Onate siń cando latarre okań khaṭaolen onate ińakʼ ontor do as chuṭạu entińạ.

1 Rapajko 11:43

Ona tayom uni do acʼren hapṛamko ṭhene calaoena. Ar acʼren apat Dạudakʼ nagrahareko topakadea. Ona tayom acʼren hopon Rehobiam do uni bodolteye rajena.

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.