Sosolhayic̕ 2:18 - সান্তালী বাইবেল

¹⁸ Siń cando latarre okako jinis lạgitʼ iń khaṭao akan onako ńitokʼ doń kurudakʼ kana, ente iń tayomte okoeye hijukʼ uni lạgitʼge jotowakʼ do doho oṭokakʼ hoyokʼtińạ.

Sosolhayic̕ 2:18 Referans Kwoze

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

1 Korinthiko 3:10

Isor ṭhen khon oka dayań ńamakatʼ ona hotetege iń do gạkhuṛ kạrigol leka rehetʼ iń bạisạu akada, ar eṭakʼko do ona cetanre oṛakʼko benaoeda. Menkhan okoe okalekae benaoetʼkan ona reaṅ uni doe sontorokʼma.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Sosolhayic̕ 9:9

Siń cando latarre Isor okako dine emakawatʼme, amakʼ jion reakʼ onako dinre amren bạhu, okoe dom dulạṛede, uni sãote sukte khemaome, ente siń cando latarre amakʼ jion ar amakʼ kosṭoteakʼ khaṭaokʼre noa do amakʼ kuṛại kana.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Sosolhayic̕ 4:3

Menkhan nukin bana hoṛ khon uniyakʼ obosta do arhõ bhagegea okoe ńit hõ ạuriye janamokʼ ar siń cando latarre behokakʼko ạuriye ńel.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sosolhayic̕ 1:13

Serma latarre okako cekae hoyokʼ ona do ạkil hotete biḍạu ar ḍunḍhạu lạgitʼ iń mone murukleda. Ariń ńelkeda, Isor do manwako cetanre tinạkʼ duke lade akatʼkoa!

Sosolhayic̕ 1:3

Siń cando latarre manwa okae khaṭaokʼkan ona khaṭaokʼ reakʼ porho do cetʼ tae?

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.

Sosolhayic̕ 2:21

Niạ reakʼ karon do hoyokʼkana bud, ạkil ar lekman iạte mitʼ hoṛ doe khaṭao daṛeakʼa, menkhan ona tayom uniyakʼ jotowakʼ do ạidạri lekate nonkan mitʼ hoṛ lạgitʼ doho oṭokakʼ hoyokʼtaea okoe do ona lạgitʼ jãhãnakʼ cetʼge bae khaṭao akan. Noa hõ ạuṛiyakʼgea ar ạḍi kosṭo reakʼ kangea.

Sosolhayic̕ 3:22

Onateń ńelkeda, nijakʼ kạmire rạskạkʼ chaḍa ar bhage jãhãnakʼ do manwa lạgitʼ bạnukʼa. Onage uniyakʼ kuṛại do, ente uniyakʼ gujukʼ tayom cetʼ hoyokʼtae ona do okoeye udukʼ daṛekea?