Sosolhayic̕ 2:15 - সান্তালী বাইবেল

¹⁵ Ona tayom iń do apnarakʼ monreń menkeda, “Bebuj hoṛ oka dosa hoyokʼtae ińakʼ hõ inạ dosage hoyokʼtińạ. Enḍekhan unạkʼ ạkilan hoṛ hoykate ińakʼ do cetʼ lab hoyena? Noa hõ ạuṛiyakʼgea.”

Sosolhayic̕ 2:15 Referans Kwoze

Sosolhayic̕ 6:8

Lelha hoṛ khon ạkilan hoṛ do cetʼteye sorosa? Eṭakʼko samaṅre cetʼleka calakʼ hoyokʼ onae baḍaekate mitʼṭecʼ reṅgecʼ hoṛakʼ do cetʼ porho?

Sosolhayic̕ 1:14

Siń cando latarre jãhãnakʼge cekae hoyokʼ ona jotogeń ńelkeda; ariń ńelkeda jotowakʼge ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Sosolhayic̕ 2:16

Cetʼleka hoṛko do bebuj hoṛko bako disạ dohoko onkage ạkilan hoṛ hõ ḍher din do bako disạ dohokoa; tayom daram dinkore nukin bana hoṛgeko hiṛińkinạ. Bebuj hoṛ cetʼlekae gujukʼ onkage ạkilan hoṛ hõe gujukʼa.

Sosolhayic̕ 1:18

ente ạkil ḍherlen khan ona sãote ạṛisokʼ hõ ḍherokʼa; ar buj tinạkʼ ḍherokʼ unạkʼge duk hõ ḍher idikʼa.

Sosolhayic̕ 1:16

Iń do mone moneteń menkeda, “Iń lahate okoe Jerusalemreko rajokʼkan tahẽkan onko khon iń do ạkilteń sorosgea; ińakʼ bud ar ạkil do ḍhergetińạ.”

Sosolhayic̕ 1:2

Uni doe meneda, “Ạuṛiyakʼgea, ạuṛiyakʼgea! Okaṭakʼge tahẽ utạrokʼ lạgitʼ do baṅkana. Jotowakʼge ạuṛiyakʼgea!”

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

Sosolhayic̕ 6:11

Tinạkʼ bạ̃ṛti katha hoyokʼ unạkʼge ạuṛiyakʼtetʼ hõ ḍherokʼa, onate manwa do cetʼ porho hoyokʼtaea?