Sosolhayic̕ 2:14 - সান্তালী বাইবেল

¹⁴ Ạkilan hoṛakʼ do mẽtʼ menakʼtaea, menkhan bebuj hoṛ do ńutreye dãṛãnkana; menkhan iń do niạgeń bujhạu daṛeada, unkin bana hoṛakʼ mucạtʼ dosa do mitʼgea.

Sosolhayic̕ 2:14 Referans Kwoze

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Kạhtukko 17:24

Buj menakʼtae hoṛ do ạkile moneyakʼ kana, menkhan khaṭo bujan hoṛakʼ mon do beṛhaeteye beṅgetʼ ạcura.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

Sosolhayic̕ 3:19

Ente manwakore okako hoyokʼ janwarkore hõ onakoge hoyokʼa. Janwar cetʼleka gujukʼ hoyokʼtae onkage manwa hõ gujukʼ hoyokʼtaea. Unkinakʼ sahẽtʼ do mitʼ lekangea. Niạ babotre janwar ar manwa talare cetʼ begarge bạnukʼa; ente sanamakʼ do ạuṛiyakʼgea.

Sosolhayic̕ 9:16

Onateń menkeda, “Daṛe khon ạkilge sorosa,” Menkhan reṅgecʼ hoṛkoakʼ ạkil do nihạ̃tokʼ kana ar uniyakʼ katha do celege bako ańjomleda.

Sosolhayic̕ 8:1

Ạkilanicʼ leka do okoe menaea? Katha reakʼ bhed bhaṅgao do okoeye baḍaea? Ạkil do manwawakʼ mẽtʼãhãe malkao ocoyetʼtaea ar uniyakʼ mẽtãhã reakʼ ṭheṭamu do pheraokʼkana.

Sosolhayic̕ 7:2

Bhoj oṛakʼte calakʼ khon homor oṛakʼte calakʼge bogea, ente sanam manwage mitʼ din gujukʼ hoyokʼtakoa; ar jiwetʼko do onako moneyakʼma.

Sosolhayic̕ 6:6

Menkhan uni hoṛ jodi bar hajar bochor jiwetʼe tahen ar jionre suk bae bhog daṛeakʼ enḍekhan uniyakʼ do cetʼ porho? Jotoge cetʼ ona mitʼ ṭhạ̃irege bako calakʼa?

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

Sereńko 19:10

Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

Sosolhayic̕ 2:16

Cetʼleka hoṛko do bebuj hoṛko bako disạ dohoko onkage ạkilan hoṛ hõ ḍher din do bako disạ dohokoa; tayom daram dinkore nukin bana hoṛgeko hiṛińkinạ. Bebuj hoṛ cetʼlekae gujukʼ onkage ạkilan hoṛ hõe gujukʼa.

Sereńko 49:11

Onko doko hudisa akoakʼ oṛakʼ duạr do tahengetakoa, ar tahen ṭhạ̃i hõ piṛhike piṛhi ṭikạu tahena, onate akoakʼ ńutumtege onko do sompotti reakʼ ńutumko emeda.

Sosolhayic̕ 6:8

Lelha hoṛ khon ạkilan hoṛ do cetʼteye sorosa? Eṭakʼko samaṅre cetʼleka calakʼ hoyokʼ onae baḍaekate mitʼṭecʼ reṅgecʼ hoṛakʼ do cetʼ porho?