Sosolhayic̕ 2:1 - সান্তালী বাইবেল

¹ Iń do apnartetʼ iń menjoṅana, “Suk do cetʼ kana, ar ona aṭkar lạgitʼ iń doń hesecʼ sekrejokʼa jemon onań biḍạu aṭkar daṛeakʼ.” Menkhan ińiń ńelkeda, ona hõ ạuṛiyakʼgea.

Sosolhayic̕ 2:1 Referans Kwoze

Luk 12:19

Ar ińakʼ jiwiń metawakʼa, E jiwi ḍher bochor lạgitʼ bae dohoakan acel pacel dhon menakʼtama. Onate ma jirạukʼjoṅme, jomme, ńũiyme ar hesecʼ sekrecʼjokʼte din ṭalaome.’

Sosolhayic̕ 8:15

Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.

Jakob 5:5

Noa dhạrtire ạḍi nirạite dinpe ṭalaoeda ar bin sambṛaokʼtepe ten ocoakana. Gujukʼ din lạgitʼpe logno akana.

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Jakob 4:13

Ape modre adomkoko men botecʼkea, “Teheń baṅkhan gapa do phalna nagraha senkate mitʼ bochor bon khemaoa ar onḍe bạnij beparkate bon labjoṅa.”

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.

Jesaea 50:11

Menkhan ape okoe do seṅgelpe lagaoetʼ ar chechape dugur duguretʼ, ape sanamkoge apeakʼ seṅgel reakʼ marsal ar mosal reakʼ marsalte calakʼpe. Ińakʼ ti khon do, harkhet sasetre giticʼ kunḍlạṅokʼge hoyapea.

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sosolhayic̕ 7:4

Ạkilan hoṛakʼ mon do homor oṛakʼre tahena, menkhan bebujkoakʼ mon do rạskạwakʼ oṛakʼrege.

Sosolhayic̕ 2:15

Ona tayom iń do apnarakʼ monreń menkeda, “Bebuj hoṛ oka dosa hoyokʼtae ińakʼ hõ inạ dosage hoyokʼtińạ. Enḍekhan unạkʼ ạkilan hoṛ hoykate ińakʼ do cetʼ lab hoyena? Noa hõ ạuṛiyakʼgea.”

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 10:6

Uni do mone moneteye meneda, “Nonkanakʼ cetʼge bạnukʼa one onate ińe dalhao daṛeạń; ar ińakʼ muskil do tishõ baṅ hoyokʼa.”

2 Rapajko 5:5

Unre Aramren raj do roṛ ruạṛketʼteye menkeda, “Ṭhikgea, Do calakʼme. Iń do Israelren raj ṭhen mitʼṭecʼ ciṭhiń kola.” Ar onate Naman do pesae aregel keji rupạ, eaegel irạl keji sona ar gel joṛa kicricʼanteye oḍok calaoena.

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Luk 16:23

Ado patalreye sasetokʼkan tahẽkanre coṭ secʼe beṅgetʼ rakapʼketʼ khan sạṅgińre Abraham ar uni sorre Lasare ńelkeda.

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Kạhtukko 14:13

Landaere hõ mon reakʼ duk do tahengea, ar rạskạ mucạtʼre hõ hirdạnige.

Sosolhayic̕ 2:10

Ińakʼ mẽtʼre oka bhageakʼ iń hudisetʼ tahẽkan onageń kạmiyetʼ tahẽkana; ar joto lekan rạskạwakʼregeń seletʼ mitʼlena. Jotowakʼ kạmirege mon do kusikʼkan tahẽkana, ar niạge ińakʼ sanam khaṭaoakʼ reakʼ kuṛại tahẽkana.

Sosolhayic̕ 2:25

Ente uni bae emlen khan okoeye jom daṛekea seye rạskạ daṛekokʼa?