Sosolhayic̕ 12:2 - সান্তালী বাইবেল

² Unre siń cando, ar marsal, ńindạ cando ar ipilkoko ńutokʼa, ar jạṛi dakʼko tayom rimil do arhõ ruạṛ hijukʼa.

Sosolhayic̕ 12:2 Referans Kwoze

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

1 Samuel 4:18

Isorakʼ goha sinduk reakʼ katha ańjomtora Eli do phaṭok duạr aṛere acʼakʼ mạci khon tayom secʼe guṛdạu ńurena. Onate uniyakʼ hoṭokʼ do rạputʼentaea are gocʼena, enteye haṛam thalakʼ thulukʼ caba akan tahẽkana ar hoṛmo hõ bhạrige tahẽkantaea. Uni do pongel bochor Israelkoakʼe bicạrletʼtakoa.

1 Samuel 4:15

Unre Eliyakʼ umer do aregel irạl bochor hoyakantae tahẽkana. Ar mẽtʼ reakʼ ńeńel daṛe do nijor akantae tahẽkante ńeńel hõ bae ńeńelkan tahẽkana.

Sereńko 77:16

E Isor, jalapuri reakʼ dakʼ do amko ńeletʼmea; am ńelte dakʼko do botorena, ar ona athantar dakʼ do daldalaoena.

Sereńko 71:20

Am do iń cetanre ạḍi kosṭo ar muhinem ạguakada, enhõ ińakʼ jiwi do arhõm jiwetʼ ruạṛtińạ; hasa latar khon rakapʼ ạguakatʼ leka am do arhõm rakapʼ ruạṛińa.

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.

1 Samuel 3:2

Un jokhecʼ Eliyakʼ mẽtʼ do nunạkʼ nijor idiyentaea, uni do ṭhikleka bae ńeńelkan tahẽkana. Mitʼ din ńindạ Eli do acʼakʼ jaegareye giticʼ akan tahẽkana.

Genesis 48:10

Haṛam umerre mẽtʼte ńel reakʼ daṛe komao idiyente Israel do mońjte bae ńeńelkan tahẽkana. Onate Joseph do acʼren banar koṛa acʼ baba ṭhene ạguketʼkinạ. Unre Israel do unkin hạṛupʼkateye cokʼatʼkinạ.

Genesis 27:1

Haṛam umerre Isahak do mẽtʼ reakʼ ńeńel daṛe nunạkʼ kom idiyentaea, uni do ar bae ńeńelkan tahẽkana. Uni do mitʼ din acʼren maraṅicʼ hopon Esau hohoadeteye metadea, “E beṭa.” Esaue roṛ ruạṛkeda, “Hẽ baba.”

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Sereńko 90:10

Aleakʼ bahaokʼ din do eken eae gel bochor, ar ḍher khan do irạlgel bochor hõ hoyokʼa; aleakʼ bahaokʼ din jãhãtinạkʼ dinge hoyokʼ onare do eken duk ar kosṭoge menakʼa; bochor do parom calao godokʼkana ar ale hõle maraokʼkana.

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.