Sosolhayic̕ 10:8 - সান্তালী বাইবেল

⁸ Okoe ghaḍlakʼe lae uni do onaregeye khańjokʼa; ar okoe bhite dasao uni do bińe ger botejea.

Sosolhayic̕ 10:8 Referans Kwoze

Kạhtukko 26:27

Okoe hoṛ khạ̃ṛiye lae uni do onaregeye ńurokʼa; ar okoe hoṛ dhiriye guṛgạu gotʼkakʼ ona do acʼge guṛgạu hecʼaea.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Amos 9:3

Karmel buru muthnire apnartetʼko okolenre hõ iń do onḍe khoniń sendra oḍokkoa ariń sapʼạgukoa. Onko do jalapuri latarreko okolenre hõ onko gerko lạgitʼ bińiń hukumakoa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

Bikʼcạrko 9:5

Uni do Ophrare acʼ apatakʼ oṛakʼte senkate acʼren eaegel boehako, metakʼme Jerubakʼalren sanam hoponko inạ mitʼ dhiri cetanregeye gocʼketʼkoa. Menkhan Jerubakʼalren joto khon huḍiń utạricʼ hopon Jotham do okoreye tahẽkanteye bańcaoena.

2 Samuel 18:15

Joabren gel goṭen khanḍa bhanḍa akʼsen koṛako do Absalomko gheraokedea arko gocʼkedea.

Sereńko 57:6

Onko do ińakʼ dãṛãn horre jhạliko oḍao akada; santao iạte iń doń dormojlen tahẽkana; onko do ińakʼ horre ghaḍlakʼko layeda, menkhan onko do apnarge onareko khańjokʼkana. (Sela)

Kạhtukko 11:6

Khạṭi hoṛkoakʼ dhorom do onkoe rukhiyạkoa, menkhan bepạtiạuko do apnarakʼ jhạliregeko paṛaokʼa.

Sosolhayic̕ 10:9

Okoe dhiriye rakab uni do onategeye hạnokʼa; ar okoe sahane paṛag uni do ona hotetege muhinreye paṛaokʼa.