Sosolhayic̕ 10:20 - সান্তালী বাইবেল

²⁰ Raj do mon monte hõ alom sarapaea se apnar giticʼ oṛakʼre kisạ̃ṛ hoṛ hõ alom sarapaea, ente coṭren cẽṛẽ do amakʼ kathako idiya; ar udạu senkate amakʼ kathakoe lại boteja.

Sosolhayic̕ 10:20 Referans Kwoze

Aposkạmi 23:5

Unre Pạule menkeda, “E boehako, bạń baḍaekan tahẽkana uni doe maraṅ naekekana. Ariń baḍae lekhan ona katha do bạń menkea, ente sonot sostorre ol menakʼa, ‘am jạtren mukhiyạ reaṅ bạṛicʼ do alom roṛa.’ ”

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

2 Rapajko 6:12

Uniren subedar modren mitʼ hoṛe menkeda, “E ińren mạlik, abo modre do okoege bạnukʼkoa; menkhan am do amakʼ giticʼ kandhare okam roṛ ona katha hõ Israelren nạbi Elisae do Israelren raje lạiyae kana.”

Luk 19:40

Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”

Luk 10:40

Menkhan Martha do jom ńũ tear lạgitʼe udhuṛ dhupuṛ baṛaekan tahẽkana. Onate uni do hecʼkateye menkeda, “E Probhu Jisu, boehań kuṛi sapʼsosore bae goṛowạńkan do cetʼ bam moneyakʼ kana? Ado ma metaeme, jemon kạmireye goṛowạń.”

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

Exodus 22:27

ente uniyakʼ oyokʼ kicricʼ do ona motogetaea. Ar baṅ khan cetʼte uni doe oyokʼa? Ar ona lạgitʼ iń ṭhene rakʼle khan uniyakʼ rakʼ iń ańjomtaea, ente ińakʼ ontor do dayate perecʼgetińa.

Ester 2:22

Mordekai do soṛojontro reakʼ kathae baḍaeketʼ khan Ester rạniye baḍae ocokedea. Ar rạni do Mordekai ńutumte raj onae baḍae ocokedea.