Sosolhayic̕ 10:12 - সান্তালী বাইবেল

¹² Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

Sosolhayic̕ 10:12 Referans Kwoze

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Kạhtukko 22:11

Okoe hoṛ khạṭi ontore dulạṛ ar daya reakʼ kathae roṛ uni do rajge gate peṛa lekae ńamea.

Kạhtukko 15:2

Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Luk 19:22

“Unre raje menkeda, ‘Eya bạṛicʼ golam! Amakʼ moca reakʼ kathatege am doń bicạrmea. Am mam baḍaekan tahẽkange, iń doń kuṭhin hoṛ kana; okaṭakʼ bạń dohoakatʼ onań hataoeda ar okaṭakʼ bạń erletʼ onań ireda.

Mathae 12:35

Bhage hoṛ do acʼakʼ bhageakʼ khon bhageakʼgeye oḍoka, ar bạṛicʼ hoṛ do acʼakʼ bạṛicʼ babaeakʼ khon bạṛicʼakʼgeye oḍoka.

Kạhtukko 31:26

Uni do bud salakʼ kathae roṛa; ar dulạṛ salakʼe galmaraoa.

Kạhtukko 26:9

Bul bhuteṛ hoṛakʼ tire jạnum ḍạr lekana, bebuj hoṛakʼ mocare kạhtukko do.

Kạhtukko 19:5

Eṛe goha emokʼicʼ do sạjại ńamte hõe ńama; ar okoe gohayicʼ do eṛeye roṛ uni do rehay bae ńama.

Kạhtukko 15:23

Okoe hoṛ lek lekate kathae roṛ uni doe kusikʼa; ente ṭhik oktere katha roṛ do tinạkʼ bhage!

Kạhtukko 12:18

Saegatʼ katha do tarwaṛe lekae sobokʼa, menkhan ạkilanicʼakʼ katha doe bogea.

Kạhtukko 10:10

Mẽtʼ ripitʼicʼ hoṛ doe haso ocokʼa; ar bok bokaokʼkan bebuj hoṛ doe bạṛijokʼa.

Kạhtukko 10:8

Okoeyakʼ ontorre ạkil menakʼ uni do hukume bataoa, menkhan bok bokaokʼkan bebuj hoṛ doe maraokʼa.

Sereńko 140:9

Okoe ińko esetʼ ạcur akadiń ar onkoakʼ moca okako behok akatʼ ona do onkoakʼ bohokʼrege paṛaokʼma.

Sereńko 64:8

Onko do akoakʼ alaṅtege muskilko ạgujoṅ kana; onko beṅgetʼakote sanamkoge bohokʼko rukuitakoa.

Sereńko 37:30

Isor botoraekoakʼ moca do akel reakʼ kathae lại jạhira; onkoakʼ alaṅ do dhorom bicạr reakʼ kathageye roṛa.

Jobakʼ 16:5

Menkhan bạń onkakea, bickom mocateń udgạukepea; ińakʼ luṭikin reakʼ jiwi raṛecʼ katha do hasoe raṛecʼketapea.

2 Samuel 1:16

Dạud do unre uni koṛae metadea, “Amakʼ gujukʼ lạgitʼ dạyi dom amkangea, ente amakʼ moca kathage am upạrte gohae emeda, Probhu Isorren ojokʼ akade hoṛem gocʼ akadea mente.”

Sosolhayic̕ 4:5

Bebuj hoṛ do acʼakʼ tiye lạṭumkakʼ kana ar reṅgecʼteye eken jaṅokʼ kana.

Sosolhayic̕ 9:17

Bebujkoakʼ disạm cakʼlaoyicʼakʼ kạu kạu aṛaṅ khon ạkilankoakʼ sulukte perecʼ katha ańjomge bhagea.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Sosolhayic̕ 5:2

Amakʼ mocate katha do usạrate alom roṛgoda; ar Isor ṭhen hako pako jãhãnakʼ katha hõ alom roṛa. Isor do sermare menaea ar am do dhạrtire, onate amakʼ katha do jemon thoṛage hoyokʼ.

Sosolhayic̕ 5:6

Amakʼ moca do kại secʼ aloe or idimema. Ar alom menma, “Ińakʼ manotakʼ dohoy do bhul hoyakana,” Noa katha do mundilren sapʼdapʼko hõ alom lạiyakoa. Amakʼ katha iạte Isor do cedakʼe edrekʼte amakʼ titeakʼ kạmi doe bạṛijtama?