Sosolhayic̕ 10:1 - সান্তালী বাইবেল

¹ Gocʼ rõ do cetʼleka so sunum seageye so ocoy, onkage thoṛa bebujtetʼ do ạkil ar manote muchạu giḍiya.

Sosolhayic̕ 10:1 Referans Kwoze

Nehemiạ 13:26

Ona tayom iń do onkoń metatʼkoa, “Israelren raj Solomon do nonkan bapla iạtegeye kạileda. Eṭakʼ jãhãn jạtrenko modre uni lekan raj do ar celege bako tahẽkana ar Isor do uniye dulạṛede tahẽkana ar uni do sanam Israelko cetanreye rajledea, menkhan enhõ uni do porjạtren maejiuko hotete ạḍiye kạileda.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Exodus 30:25

Jut so jinis tear leka am do noako jut so mosola mitʼ sãote mesalkate ojokʼ bahalokʼ lạgitʼ sunumem benaoa. Ar noage sonot ojokʼakʼ sunum do hoyokʼa.

Nehemiạ 6:13

Uni do ṭakae em ocolena jemone botor ocoyiń ar uniyakʼ katha leka kạmikate jemoniń kại, arko durnam ocoyińte lajaoreko paṛaoiń.

Jobakʼ 6:3

enḍekhan khạṭige ona do gaṅga gitil reakʼ ojon khonhõ hamalkokʼa; ona iạte ińakʼ katha reakʼ jãhãn jhinge bạnukʼtińạ.

Sosolhayic̕ 9:18

Lạṛhại reakʼ sajbaj khon ạkil do sorosgea, menkhan mitʼṭen kại hoṛ do ạḍi utạr boge kạmiye bạṛija.

Hagae 2:12

‘Jãhãe hoṛ acʼakʼ kicricʼre sonotakʼ jele ghẽṭ idiy ar ona kicricʼre jãhãnakʼ piṭhạ, isinakʼ jomakʼ, darkha rasa, sunum se eṭakʼ jãhãn jomakʼre jakʼ tiyokʼlen khan ona do cetʼ sonotakʼ hoyokʼa?’ ” Naekeko do Hagae roṛ ruạṛadeteko metadea, “Baṅ, ona do baṅ sonotokʼa.”

Hagae 2:13

Unre Hagaeye metatʼkoa, “Gocʼ hoṛe joṭetʼ akade iạteye bhonḍ akan nonkan jãhãe hoṛ noako reakʼ mitʼṭecʼe joṭetʼ tiyog, enḍekhan ona jinis do cetʼ bhonḍakʼ hoyokʼa? ” Naekeko roṛ ruạṛkeda, “Hẽ, ona do bhonḍakʼge hoyokʼa.”