Sosolhayic̕ 1:16 - সান্তালী বাইবেল

¹⁶ Iń do mone moneteń menkeda, “Iń lahate okoe Jerusalemreko rajokʼkan tahẽkan onko khon iń do ạkilteń sorosgea; ińakʼ bud ar ạkil do ḍhergetińạ.”

Sosolhayic̕ 1:16 Referans Kwoze

Sosolhayic̕ 2:9

Iń lahate Jerusalemre okoeko tahẽkan onko khon hõ iń do ḍher dhoniń hameṭana. Ar akel do unhõ ińe ạyuredeń tahẽkana.

1 Rapajko 4:30

Purub disạm ar Misorren sanam ạkilan hoṛko khon Solomonakʼ ạkil do ḍherge tahẽkana.

1 Rapajko 10:7

Menkhan nonḍe hecʼkate ińakʼ mẽtʼte ạuriń ńel hạbicʼ bạń pạtiạukʼkan tahẽkana. Sạrige, niạ reakʼ adha hõ iń ṭhen do baṅ lại akana. Okaṭakʼ khobor iń ńamakatʼ amakʼ ạkil ar dhon do ona khon hõ ạḍi bạ̃ṛtigea.

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

Sereńko 4:4

Edrete alope kạiya. Aṭetʼre giticʼkate mon ḍunḍhạutape ar hape akae tahenpe. (Sela)

2 Bõsbudạ 2:12

Hirạm do arhõe olkeda, “Israelren Probhu Isor doe bhạgangea, one okoe do ot ar sermae sirjạu akatʼ. Uni do Dạud raj nonkan mitʼṭen akelan hopone em akawadea uniyakʼ bud ar bujhạu reakʼ daṛe menakʼtae ar okoe do Probhu Isor lạgitʼ mitʼṭecʼ oṛakʼ ar apnar lạgitʼ mitʼṭecʼ raj oṛakʼe benao lạgidokʼkan.

Jirimiạ 22:14

Hae uni do, okoeye menetʼ, ‘iń lạgitʼ mitʼṭecʼ maraṅ okocʼ oṛakʼ iń benaoa ar cetan koṭhare do maraṅ maraṅ kandhakoń teara. Ar onare maraṅ maraṅ jalnakoń benaoa ar ona reakʼ toktako do debdạru reakʼ kaṭte ar arakʼ roṅteń sajaoa.’

Sereńko 77:6

Ńindạ jokhecʼ ińakʼ sereń reakʼ joto kathako disạ hecʼạńkan tahẽkana; ar iń do ontorreń ganḍonokʼ kan tahẽkana ar mon monteń ḍunḍhạuetʼ tahẽkana.

1 Rapajko 5:9

Ińren hoṛko do Lebanon khon jalapurite onako pheḍ ạguya. Ar ona tayom do onakote bhora benaokate jalapuri cetante amakʼ nirik akatʼ ṭhạ̃iteko idi seṭergotʼama. Onko do onḍeko raṛa pheḍa ar am do onakom idijoṅa. Ar ińakʼ khojogokʼakʼ do noage ińren kạmiyạko jemon jomakʼem bebostawako.

Sosolhayic̕ 2:1

Iń do apnartetʼ iń menjoṅana, “Suk do cetʼ kana, ar ona aṭkar lạgitʼ iń doń hesecʼ sekrejokʼa jemon onań biḍạu aṭkar daṛeakʼ.” Menkhan ińiń ńelkeda, ona hõ ạuṛiyakʼgea.

Sosolhayic̕ 2:15

Ona tayom iń do apnarakʼ monreń menkeda, “Bebuj hoṛ oka dosa hoyokʼtae ińakʼ hõ inạ dosage hoyokʼtińạ. Enḍekhan unạkʼ ạkilan hoṛ hoykate ińakʼ do cetʼ lab hoyena? Noa hõ ạuṛiyakʼgea.”

Sosolhayic̕ 3:17

Iń do mone moneteń menkeda, “Isor do dhoromicʼ ar bedhoromicʼ nukin bana hoṛgeye bicạrkinạ, ente uni ṭhen do sanamakʼ babotre ar sanamakʼ kạmire mitʼṭecʼ niṭ akan okte menakʼa.”