Sosolhayic̕ 1:15 - সান্তালী বাইবেল

¹⁵ Okaṭakʼ konḍeawakʼ kan ona do baṅ sojhekʼa; ar bạnukʼakʼ do ohom lekha daṛelea.

Sosolhayic̕ 1:15 Referans Kwoze

Jesaea 40:4

Mitʼke mitʼ buru-nala do dhapaokʼa, buru ḍuṅgriko do copodokʼa, harcatʼ hurcutʼakʼ do mitʼsãokʼa, ar khoedakʼ lopakʼakʼ do bilạn ṭạnḍikʼa.

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Mathae 6:27

Ape modre okoe dạndikate acʼakʼ jiwi mitʼ ghonṭa gan bạ̃ṛtiye doho daṛeketaea?

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jobakʼ 11:6

ar ạkil reakʼ okoakʼkoe baḍae ocome, ente uni do ạḍi lekan bud menakʼtaea. Ar noa baḍaekakʼme amakʼ ghạṭ lekate Isor do sạjại do bae emama.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sosolhayic̕ 7:25

Ona iạte iń do mon iń murukkeda jemon ạkil ar jotowakʼ tayomre oka goṭawakʼ menakʼ onań baḍae daṛeakʼ ar biḍạu ar khoj hataokateń ńel daṛeakʼ, ariń bujhạu daṛeakʼ, bạṛicʼakʼ do bebujtetʼ kana mente ar bebujtetʼ do khepawakʼge.

Jirimiạ 13:23

Kus disạmren hoṛ do cetʼ acʼakʼ harta reakʼ roṅ se tạrupʼ do acʼakʼ ṭiklạkʼ ṭiklạkʼ dage pherao daṛeataea? Amhõ onkage bhage kạmi do bam daṛeakʼa, ente bạṛicʼakʼ kạmikoregem lobdhao akana.