Soros sereń 8:8 - সান্তালী বাইবেল

⁸ Aleren mitʼṭen huḍiń misera menaetalea, uniyakʼ bạskin do ńit hõ ạuri harakʼtaea. Unire tisokʼ peṛako lagaokʼa enhilokʼ do cetʼle cekaea?

Soros sereń 8:8 Referans Kwoze

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 16:9

Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Jeheskel 23:33

Am do botor ar maraokʼakʼ bạṭi khonem ńũite, amren boeham kuṛi Samariawakʼ bạṭi khon ńũkatem bulokʼa ar duktem perejokʼa.

Jeheskel 16:61

Amren hoponera lekate am khon maraṅicʼ ar am khon huḍińicʼ boeha kuṛikiniń emama ar am do unkinem ataṅkinạ, unkin do amakʼ bondobos talare bạnukʼkinạ. Unre am do amakʼ colon reakʼ katham disạiya arem lajaokʼa.

Jeheskel 16:46

Ar ạjim do Samariạ kanae; one uni am khon utạr secʼre acʼren hoponerako sãoteye tahẽnkan. Amren bokom kuṛi Sodom; one uni do acʼren hoponerako sãote dạkhinreye tahẽnkan.

Jeheskel 16:7

Am do khet reakʼ cara lekageń hara ocoketʼmea. Arem hara juạnena, amakʼ bạ̃skin hõ harayena, upʼ hõ harayentama, menkhan am do uluṅge ar begor kicricʼtem tahẽkana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Soros sereń 8:10

Iń do mitʼṭecʼ pạcri kạnạń, ar ińakʼ bạskin do usul pahra oṛakʼkin lekage. Iń do uniyakʼ nońjorre onkageń hoyena suluke ńamketʼ kuṛi lekage.

Soros sereń 7:3

Amakʼ bạskin do jel hoponkin leka poṭretʼ jelren jawa hoponkin lekage.

Soros sereń 4:5

Amakʼ bạskin do sikiyạm bagwanre ạtińkan poṭretʼ jelren jawa hoponkin leka.

Soros sereń 8:9

Uni do pạcriye tahẽlen khan uni cetante rupạ reakʼ pahra oṛakʼle benaokea. Ar duạre tahẽlen khan enḍekhan debdạru kaṭ reakʼ toktate uni do sińkatele dohokea.