Soros sereń 8:6 - সান্তালী বাইবেল

⁶ Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Soros sereń 8:6 Referans Kwoze

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Jesaea 49:16

Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Soros sereń 5:8

E Jerusalemren kuṛiko, kiriạwạńpe, ińren dulạṛiạtińpe ńamle khan lạiyaepe iń do dulạṛteń kạhil caba akana.

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Kạhtukko 6:34

ente ontor reakʼ jaljalaokʼ do jãwãetetʼakʼ edreye rakaba; ar hala hạli lạgitʼ uni do jãhãn mãyãge bae uduga.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Numeri 5:14

ar rinicʼtetʼ cetanre inditʼ iạte jãwãetetʼ do monre jolon hecʼae enḍekhan uni do acʼren oṛakʼ hoṛ naeke ṭhene idiyea; ar rinicʼtetʼ bae bhõnḍ akanre hõ hereltetʼe inditʼae enḍekhan uni hõ naeke ṭhene idiyea. Ona sãote acʼren rinicʼtetʼ ńutumte samaṅokʼakʼ lạgitʼ mitʼ keji irạlsae gram jao reakʼ holoṅ idi torae hoyokʼtaea. Uni do noare jãhãn sunum se kunduru bae mesalakʼa ente noa do indidokʼ reakʼ jomakʼ samaṅokʼakʼ kana, metakʼme Probhu Isor ṭhen behokakʼ reakʼ samaṅokʼakʼ kana.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Sereńko 120:4

Uni do birbanṭawakʼ laser sarko ar Rothem jhạuạ reakʼ aṅgra seṅgelkoe emama.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Romiko lạgitʼ Pạul Apostolakʼ ciṭhi 12:20

Sostor reakʼ katha leka, “Amren bạiri reṅgecʼlere jomakʼ emaeme; ar tetaṅlere ńũiyakʼ emaeme. Entem nonkale khan am do uniyakʼ bohokʼre seṅgel aṅgram puńjiaea.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Sakariạ 3:9

E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Kạhtukko 25:22

Entem onka lekhan uniyakʼ bohokʼre seṅgel aṅgram puńjiaea, ar Probhu Isorge kuṛạiye emama.

Numeri 25:11

“Naeke Aronren goṛomtetʼ koṛa, metakʼme Eleasarren hopon Pinehas do Israelko cetan khon ińakʼ edreye sạṅgińketʼtińạ. Israelko modre uni do ińakʼ bakhra babotre iń lekageye ahkaokʼ kana. Onate ińakʼ bakhra reakʼ ạḍi ahkaoteakʼ tahẽkanre hõ iń do bạń marao utạrletʼkoa.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

1 Bõsbudạ 11:18

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ lo rakapʼkate Dạud ṭhenko idikeda. Menkhan Dạud do ona bae ńũleda; ona bodolte ona dakʼ do Probhu Isor ńutumte otreye dulkeda.