Soros sereń 8:5 - সান্তালী বাইবেল

⁵ Acʼren dulạṛiạreye ṭenḍar akan uni hahaṅkar secʼ khon rakapʼ hijukʼicʼ doe okoekana? Apel dare latarreń ebhenketʼmea; amren eṅgam do onḍege bedon rakapʼadete ame janamketʼmea.

Soros sereń 8:5 Referans Kwoze

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Jesaea 40:3

Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Sereńko 63:8

Ińakʼ jiwi do ame sapʼ uricʼ akatʼmea; ar amakʼ jojom ti do ińe sapʼ doho akadińạ.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Soros sereń 6:10

Onkoko menkeda, “Okoe kanae uni do, one aṅga marsalokʼ leka pĩṛĩtʼ pĩṛĩtʼe rakapʼ hijukʼkan, ńindạ cando leka mońj, ar siń cando leka jhak jhak, nisạnkoante phạdko leka ṭhonokicʼge?”

Soros sereń 3:4

Onkoń paromketʼko khan ińren dulạṛiạtiń doń ńamkedea. Ar uni sapʼkate eṅgạńakʼ oṛakʼte ạuriń ạguiye hạbicʼ bạń aṛakʼledea; ar okoe kukhireye doholediń uniyakʼ oṛakʼtegeń ạgukedea.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Johan 13:23

Onko modren Jisu okoeye dulạṛede tahẽkan uni do Jisuakʼ koṛam pheḍreye ṭenḍar akan tahẽkana.

Hosea 12:4

Uni do Serma goḍet sãoteye lạṛhạilena ar uniye bhagaokedea; ar daya ńam lạgitʼ uni do rakʼ rakʼteye nehõrlena. Uni do Bethelre Probhu Isore ńamledea ar onḍe do Probhu Isor sãote kathaye roṛleda.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.

Soros sereń 8:1

Ohae, ińren boeha baṛem tahẽlen khan okoe do eṅgạńakʼ toakine nunu akatʼ! Ar bahrereń ńamlem khan enḍekhan am doń cokʼkema, ar okoehõ cetʼge bako mendaṛekińạ;

Soros sereń 3:11

E Sionren kuṛiko, dela oḍok hijukʼpe, ńelpe, Solomon raj do mạ̃ṛteye sajao akana; uniyakʼ baplakʼ dinre, ar uniyakʼ rạskạ dinre, uniren eṅgattetʼ do mạ̃ṛe horokʼ akawadea.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

Johan sodor 12:6

ar uni maejiu do hahaṅkarteye dạṛkeda. Isor do ona hahaṅkar jaegare uni lạgitʼ mitʼṭecʼ jaegae ṭhik dohoakatʼ tahẽkana, jemon mitʼ hajar barsae turui gel din onḍeye ạsul ocokʼ.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Jesaea 36:6

Am dom loṭocʼ, pạṭiol ṭheṅga, metakʼme Misor cetanrem bhorsakʼ kana. Okoe ona pạṭiol ṭheṅga cetanreye bhorsakʼkan uni do ti pạṭi tabokʼtaea. Misorren raj Pharao cetanre okoeye bhorsakʼ uni cetanre hõ onkage hoyokʼa.’

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Sereńko 63:9

Okoe ińakʼ jiwi cabaetiń lạgitʼko sendrayediń kan onko do dhạrti reakʼ joto khon latar jaegateko pheḍokʼa.