Soros sereń 7:9 - সান্তালী বাইবেল

⁹ Amakʼ cokʼ do mońj darkha rasa lekage baṛe hoyokʼma. Ona darkha rasa do dulạṛiạtińakʼ nạnḍrite pheḍokʼma cetʼleka jạpitʼ akatʼicʼakʼ luṭi ar ḍaṭako secʼte joro pheḍokʼkan.

Soros sereń 7:9 Referans Kwoze

Soros sereń 5:16

Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu Isor tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Romiko lạgitʼ Pạul Apostolakʼ ciṭhi 13:11

Un ghạṛicʼ okań roṛketʼ, ńit reakʼ okteko bujhạukate onka leka calakʼpe. Jạpitʼ khon ebhenokʼ reakʼ okte hoyakana, ente abo tinre bon pạtiạulen, unkhon boroṅ ńitokʼge bańcao ńam reakʼ okte do artetʼ sorakana.

Soros sereń 5:2

Iń doń jạpitʼleda, menkhan ontor do jagwarge tahẽkantińạ. Ote ańjompe, ińren dulạṛiạ do silpińe ṭhopʼ ṭhopʼeda, “E dulạṛo, E dulạṛiạtiń, E potam juri tiń, E nichorayicʼ tiń, duạr jhicʼạńme baṛe. Ente sisir dakʼte ar ńindạ reakʼ kuṛhạte ińakʼ bohokʼ upʼ do lohodokʼ kantińạ.”

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Kạhtukko 16:24

Heṛem kathako do dumur chata leka; ontor lạgitʼ do heṛemgea ar hoṛmo mońjgeye dohoya.

Kạhtukko 23:31

Bubulakʼ arakʼge ńelokʼkanre hõ alom beṅgetʼakʼa, ar bạṭire jiṛipʼ jiṛibokʼre hõ, ar hodoṛ mente nạnḍrire bolokʼre hõ.