Soros sereń 7:12 - সান্তালী বাইবেল

¹² Dela, ạḍire laṅ beredokʼa ar darkha bagwante laṅ bolokʼa, onḍe darkha nạ̃ṛĩ bhoṭogokʼ kana se baṅa, onare baha do saṛ akana se baṅa, ar ḍạlim bahako baha akana se baṅa ona laṅ ńela; ar iń do onḍege ińakʼ dulạṛiń emama.

Soros sereń 7:12 Referans Kwoze

Soros sereń 6:11

Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

2 Korinthiko 13:5

Apnarge biḍạu aṭkarokʼpe, Mạsire sạri biswạs menakʼtapea se baṅ. Apnarge biḍạu sạbudokʼpe. Ape do cetʼ bape bujhạueda, Jisu Mạsi do apeakʼ ontorre menaea mente? Ar sạbudokʼre belek mente alope ṭarhaokʼa.

Soros sereń 7:6

E dulạṛiạtiń, E hạ̃sanicʼ, am do ạḍitetʼgem mońjgea, ar ạḍitetʼgem cemkecʼgea!

Sereńko 122:5

Bicạr reakʼ siṅghạson do onḍege menakʼa, Dạud gharońjren hoṛkoakʼ siṅghạsonge.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Ibriko 2:15

Ar gujukʼ botorte okoe jiwetʼ jonom golamko tahẽkan onko jemone chaḍaoko.

Ibriko 2:13

Jisu do arhõe meneda, “Iń do Isor cetanre bhorsa akaniń tahena.” Ar mitʼ jaegare uni doe meneda, “Nokʼõe ńelme, iń ar onko hoponko one okoeko do Isore emakawạdiń.”

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

Jesaea 18:5

Phosol samṭao ạurire tinre baha baṅ tahena ar ona baha do darkha jokate belekʼa unre uni do kạidạte kahle ḍạrkoe hesea ar cap capa ḍạrko doe kaman giḍikakʼa.

Soros sereń 4:16

Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.

Soros sereń 2:15

Ape do khĩkṛĩko sapʼkope, onko kạṭicʼ kạṭicʼ hoponkoge, onko do aboakʼ darkha bagwanko nosṭoyeda; ente darkha nạ̃ṛĩko do bhoṭogokʼ kana.

Soros sereń 2:13

Loa darere jo do ehopʼ akana; darkha nạ̃ṛĩko do bahakʼ kana ar onako reakʼ bas do mahkaokʼ kana. E ińren dulạṛiạ, ma beredokʼme; E mońjicʼ tiń, dela iń soṅgete hijukʼme.”

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Sereńko 73:25

Sermare ińren sanamakʼ dom amkangea; amiń ńamketʼme iạte dhạrtire ińakʼ jãhãnakʼ khojogokʼakʼ do ar bạnukʼtińạ.

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Soros sereń 4:13

Am do mońj ḍạlim bagwan leka; one onḍe soros soros joko jo akan; onḍe do mehndi ar jut so nạ̃ṛĩkoge menakʼa.

Soros sereń 7:11

E dulạṛiạtiń, dela, alaṅ do ṭạnḍire laṅ oḍok calakʼa. Ar ato bahre ar mehendi jhupuṭoṛokore laṅ giticʼ aṅgakʼa.