Soros sereń 6:11 - সান্তালী বাইবেল

¹¹ Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

Soros sereń 6:11 Referans Kwoze

Soros sereń 7:12

Dela, ạḍire laṅ beredokʼa ar darkha bagwante laṅ bolokʼa, onḍe darkha nạ̃ṛĩ bhoṭogokʼ kana se baṅa, onare baha do saṛ akana se baṅa, ar ḍạlim bahako baha akana se baṅa ona laṅ ńela; ar iń do onḍege ińakʼ dulạṛiń emama.

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

Mark 11:13

Unre loa belekʼ okte do baṅ tahẽkana, menkhan enrehõ uni do sạṅgiń khon mitʼṭecʼ loa dareye ńel ńamketʼte onare jo ńam lạgitʼe sen sorena. Ar ona dare sore senen khan onare sakam chaḍa ar cetʼge bae ńel ńamleda.

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Genesis 2:9

Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Luk 13:7

Unre mạliye metadea, ‘ńelme, iń do pe bochor khon noa darere joń ńam baṛakana menkhan cetʼge bạń ńameda. Onate loa dare do makʼ giḍikakʼme. Cedakʼ je noa do ạuṛiyakʼ hasae nosṭo ocoyeda.’

Genesis 40:10

Ona do pea ḍạrena. Ar ona ḍạr do sagenokʼ são sãote bahayena ar thoka thoka joyente beleyena.

Soros sereń 6:12

Ar jãhãnakʼ ạuriń bujhạurege ińakʼ jiwi do ińren rajakʼ rãt gạḍiko reakʼ mitʼṭecʼreye duṛupʼkedińa.

Soros sereń 7:13

Dudại bahako do mahkaokʼ kana; alaṅakʼ duạr ṭhen do sorosakʼ nãwã ar mare joko hõ menakʼa. E dulạṛiạtiń, iń do am lạgitʼgeń doho jogao akada.