Soros sereń 5:6 - সান্তালী বাইবেল

⁶ Dulạṛiạtiń lạgitʼ iń do duạriń jhicʼkeda, menkhan uni doe gusạu senena. Uni do tinre kathae roroṛkan tahẽkana unre ińakʼ jiwi do oṭaṅ lentińạ. Iń doń sendra baṛakedea, menkhan bạń ńamledea; hohowạdiyạń, menkhan bae goṅledeńa.

Soros sereń 5:6 Referans Kwoze

Soros sereń 5:2

Iń doń jạpitʼleda, menkhan ontor do jagwarge tahẽkantińạ. Ote ańjompe, ińren dulạṛiạ do silpińe ṭhopʼ ṭhopʼeda, “E dulạṛo, E dulạṛiạtiń, E potam juri tiń, E nichorayicʼ tiń, duạr jhicʼạńme baṛe. Ente sisir dakʼte ar ńindạ reakʼ kuṛhạte ińakʼ bohokʼ upʼ do lohodokʼ kantińạ.”

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Mark 14:72

Ar unrege sim sạnḍi do dosar dhaoe rakʼgotʼkeda. Ar unre Patras do ona katha disạ hecʼadea one Jisui metade tahẽkan, “Sim sạnḍi bar dhao ạuriye ragre am do pe dhaoem baṅeńa.” Onate uni do hũk hũke rakʼkeda.

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate hũk hũke rakʼkeda.

Sakariạ 7:13

Ińiń hohowatʼkore hõ onko do bako hetawatʼtińạ, ar onkoko hohowạdińre iń phạdkoren Probhu Isor do bạń ańjomletʼtakoa.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Hosea 5:6

Onko do akoren bheḍa ar ḍaṅgra palkoante Probhu Isor ṭhenko senlenre uni do bako ńamekana; onko khon acʼ doe ocogokʼkana.

Rak̕joṅ 3:8

Goṛo ńam lạgitʼ iń hohoyetʼre ariń rakʼetʼre, uni do ińakʼ koejoṅ bae ańjometʼtińạ.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Soros sereń 6:1

Maejiuko modren E napae utạricʼ, dulạṛiạtam do okateye senakana? Uni do oka secʼe ạcur sen akana? Ma lạiyaleme, ale hõ jemonle sendra goṛowam.

Soros sereń 5:4

Dulạṛiạtiń do huṛkạṛ bhugạkʼre tiye aderkeda, ar uni lạgitʼ ińakʼ mon do bhak bhakaoentińạ.

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Sereńko 80:4

E sanam daṛeanicʼ Probhu Isor, amren hoṛkoakʼ koejoṅakʼre ar tinạkʼ din edre akanem tahena?

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Sereńko 69:3

Hoho hohote iń doń laṅga cabayena, ar ińakʼ nạnḍri hõ rohoṛena; ińren Isor lạgitʼ koyokʼ horte ińakʼ mẽtʼ hõ dhund cabayentińạ.

Sereńko 30:7

E Probhu Isor, am do dayate ińakʼ buru do kajaktem teṅgo ocoakatʼa, menkhan am do mẽtʼãhãm danaṅketʼtam khan, iń doń keklesetʼena.

Sereńko 28:1

E Probhu Isor, ińren asray buru, iń do amgeń hohowam kana. Am do ińakʼ kathate lutur alom tubạtʼ katama, ente hape akanem tahen khan enḍekhan patal purite okoeko pheḍakan onko lekage ińakʼ dosa do hoyokʼtińạ.

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.

Genesis 42:28

Unre uni do acʼren boehakoe metatʼkoa, “Ma ńelpe, ińakʼ ṭaka do em ruạṛ akana. Ińakʼ ṭaka do bostarege menakʼa.” Noa ńelte onko do botorteko keklesetʼena. Onko do thar tharaokʼ tulucʼ apan ạpinko beṅgetʼ baṛawana arko menkeda, “Isor abo cetanre noa do cetʼe cekakeda?”