Soros sereń 5:16 - সান্তালী বাইবেল

¹⁶ Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Soros sereń 5:16 Referans Kwoze

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Soros sereń 7:9

Amakʼ cokʼ do mońj darkha rasa lekage baṛe hoyokʼma. Ona darkha rasa do dulạṛiạtińakʼ nạnḍrite pheḍokʼma cetʼleka jạpitʼ akatʼicʼakʼ luṭi ar ḍaṭako secʼte joro pheḍokʼkan.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Jakob 2:23

Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Jirimiạ 3:20

Menkhan E Israelko, jãwãetetʼ cetanre bepạtiạricʼ bạhu leka ape do ińre bepạtiạrankope hoyakana. Iń Probhu Isorge noa katha doń meneda.”

Soros sereń 6:3

Iń do dulạṛiạtińren ar uni hõ ińrenge, uni do sikiyạm baha bagwan talareye gukʼpikana.

Soros sereń 2:16

Dulạṛiạtiń doe ińren kangea ar ińhõ unirenge; uni do sikiyạm baha bagwan talareye gukʼpikana.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Soros sereń 2:1

Iń do Saron reakʼ mitʼṭecʼ kiyạ baha kạnạń, buru nala reakʼ sikiyạm bahage.

Soros sereń 1:16

E dulạṛiạtiń, ńelme am dom mońjgea! Hẽ, ạḍitetʼgem napaegea. Alaṅakʼ aṭetʼ do hạriạṛ sakamte benao akana.

Soros sereń 1:2

Cokʼạńme amakʼ moca reakʼ cokʼte, ente amakʼ dulạṛ do darkha rasa khon hõ sorosgea.

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.

Sereńko 119:103

Amakʼ sanam gokʼakʼ do ińakʼ alaṅre heṛemgea! Ona do ińakʼ mocare dumur rasa khon hõ heṛemgea.

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Sereńko 19:10

Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Soros sereń 1:5

E Jerusalemren kuṛiko, kedar reakʼ tạmbuko lekań hendege rehõ Solomonakʼ tạmbu orwalko lekań cehragea.

Soros sereń 4:3

Amakʼ luṭikin do jeṅgetʼ arakʼ phitạ leka; ar mẽtʼãhã do ạḍi napaegetama! Ṭuṭuri danaṅre ḍạlim jo kecakʼ leka amakʼ joha do.