Soros sereń 5:15 - সান্তালী বাইবেল

¹⁵ Uniyakʼ bulukin do mormor khunṭi leka nirạ sona reakʼ ganḍore doṛomakʼge. Uniyakʼ rup do Lebanon reakʼ usul buru leka, debdạru dare leka sorosakʼge.

Soros sereń 5:15 Referans Kwoze

1 Rapajko 4:33

Uni do Lebanon reakʼ debdạru dare khon ehopʼkate bhitre janamokʼ ghãs hạbicʼ sanam dare reakʼe biborone lại akada. Uni do janwarko, cẽṛẽko, leńokʼ ṭunḍaṅkan jiwiyanko ar hakoko reaṅe lại akada.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Aposkạmi 2:28

Am do jion reakʼ horkom baḍae ocokedińạ; ar cepel cepel rạskạ do am mẽtʼãhã samaṅrege menakʼa.

Mathae 28:3

Uniyakʼ muṭhạn do bijli leka ar uniyakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Hosea 14:7

Okoe uniyakʼ umulreko tahen onko do ḍher phosolko arjao ocoya. Onko do darkha nạ̃ṛĩ leka jo bahateko perejokʼa ar Lebanon reakʼ darkha rasa leka onkoakʼ ńutum do pasnaokʼtakoa.

Soros sereń 7:4

Amakʼ hoṭokʼ do hạti sonḍa reakʼ buruńj lekana, ar amakʼ mẽtʼkin do Hesbon reakʼ pukhri leka ona do Beth-rabbim reakʼ phaṭok duạr ṭhenakʼge. Amakʼ mũ do Lebanon reakʼ buruńj lekana, one ona do Damesek secʼ sen akan.

Soros sereń 4:11

E bạhutiń, amakʼ luṭikin khon do nirạ dumur rasage jorokʼ kana. Amakʼ alaṅre do toa ar dumur rasage menakʼa; amakʼ kicricʼko reakʼ bas do Lebanon bir reakʼ mohok leka.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Sereńko 92:12

Dhorom hoṛ do khijur dare lekae ḍagḍagaokʼa; uni do Lebanon reakʼ debdạru dare lekae hara rakapʼa.

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Exodus 26:19

Ar onako paṭa reakʼ mimitʼ kuṭhạ latarre doṛomkakʼ lạgitʼ pongel goṭecʼ rupạ reakʼ ganḍoko benao hoyokʼa, ar mimitʼ paṭa lạgitʼ do bareakate, metakʼme mimitʼ kuṭhạ lạgitʼ do mitʼṭecʼkate ganḍom benao ocoya.

Sereńko 80:10

Ona reakʼ umulte buru boṭkocʼko umulena; ar ona reakʼ ḍạrkote usul usul husupʼ darekoe pasnaokeda.

Jeheskel 17:23

Israel reakʼ usul buru cetanre ona khon ḍạrko oḍokokʼa ar jo bahakʼa; ar ona do mitʼṭecʼ napae okocʼ debdạru dare hoyokʼa. Joto lekan cẽṛẽko do ona reakʼ ḍạrre tukạko benaoa ar ona reakʼ umulreko tahena.

Jeheskel 31:8

Isorakʼ bagwan reakʼ debdạru dareko hõ ona sãote do baṅ jurilena. Saro dareko hõ uniyakʼ maraṅ ḍạrko soman do baṅ tahẽkana; uniyakʼ ḍạrko sãote Armon dareko hõ baṅ jurilena. Ar mońj dareko hõ cetatge baṅ tahẽkana ona reakʼ tulni do. Isorakʼ bagwan reakʼ jãhãn dareko reakʼ husnạkʼ hõ ona leka do baṅ tahẽkana.

Sereńko 92:13

Aboren Probhu Isorakʼ oṛakʼre okoeko rohoe ocoakan onko do uniyakʼ racareko hara rakabokʼa.

Rak̕joṅ 4:7

Onkoren bachao akan mukhiyạko do him khon hõ marsal, toa khon hõ ponḍgeko tahẽkana; onkoakʼ hoṛmo do Probal dhiri khon hõ arakʼge tahẽkana ar onkoakʼ cehra do Nilkanto moni leka tahẽkana.