Soros sereń 5:13 - সান্তালী বাইবেল

¹³ Uniyakʼ johakin do jut so mosola reakʼ baṛge leka, one onḍe khon jut so mahkao oḍokokʼ kan. Uniyakʼ luṭikin do gondhoros joro pheḍokʼkan sikiyạm baha leka.

Soros sereń 5:13 Referans Kwoze

Soros sereń 1:10

Cemkecʼ getama amakʼ johakin ar galaṅ upʼtam ar amakʼ hoṭokʼre mạnik mala do mońjge ńelokʼkana.

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Soros sereń 2:1

Iń do Saron reakʼ mitʼṭecʼ kiyạ baha kạnạń, buru nala reakʼ sikiyạm bahage.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Soros sereń 5:5

Iń do dulạṛiạtiń duạr jhicʼae lạgitʼ iń beretʼena, unre ińakʼ ti do gondhoroste ojokʼ tahẽkana, ar kạṭupʼko khon gondhoros hõ jorokʼkan tahẽkante huṛkạṛ reakʼ ḍạnḍi do lohotʼena.

Soros sereń 4:11

E bạhutiń, amakʼ luṭikin khon do nirạ dumur rasage jorokʼ kana. Amakʼ alaṅre do toa ar dumur rasage menakʼa; amakʼ kicricʼko reakʼ bas do Lebanon bir reakʼ mohok leka.

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Sereńko 89:15

Bhạgangeako onko hoṛ do, okoe do ona rạskạ aṛaṅko ańjomakatʼ; E Probhu Isor, amakʼ mẽtʼãhã reakʼ marsalte onko doko dãṛãn kana.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Soros sereń 1:16

E dulạṛiạtiń, ńelme am dom mońjgea! Hẽ, ạḍitetʼgem napaegea. Alaṅakʼ aṭetʼ do hạriạṛ sakamte benao akana.