Soros sereń 5:1 - সান্তালী বাইবেল

¹ E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Soros sereń 5:1 Referans Kwoze

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Soros sereń 4:16

Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Kạhtukko 9:5

“Dela hijukʼte, ińakʼ jomakʼ jompe, ińakʼ mosola mesal akatʼ darkha rasa ńũipe;

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Luk 12:4

“E gateko, ińiń metapekana, hoṛmo gogocʼko ar ona tayom bạ̃ṛti jãhãnakʼ baṅ ceka daṛeakʼko do alope botorakoa.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jesaea 65:13

Onatege Probhu Isor doe meneda, ‘ińren golam doko joma, menkhan ape do reṅgecʼtepe gujukʼa; ińren golamko do dakʼko ńũiya, menkhan ape do tetaṅpea; ińren golam doko rạskạkʼa, menkhan ape dope lajao ocokʼa.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Soros sereń 8:13

E bagwanre tahenkạnicʼ, gateko do amakʼ aṛaṅ ańjom lạgitʼko akʼtenkana, ar ińhõ baṛe ańjom ocoyińme.

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

Jesaea 5:1

Ińiń dulạṛede kan lạgitʼ do mitʼṭecʼ sereńiń sereńa, uniyakʼ darkha bagwan reaṅakʼgeń sereńa. Burure mitʼṭecʼ bhage hasawan jaegare ińren dulạṛiạwakʼ mitʼṭecʼ darkha bagwan tahẽkana.

Soros sereń 8:1

Ohae, ińren boeha baṛem tahẽlen khan okoe do eṅgạńakʼ toakine nunu akatʼ! Ar bahrereń ńamlem khan enḍekhan am doń cokʼkema, ar okoehõ cetʼge bako mendaṛekińạ;

Soros sereń 6:11

Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

Sereńko 16:3

Dhạrtire okoe doko Isorren hoṛkan, onko doko maraṅgea; ar onko iạtege iń doń rạskạkʼ kana.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Bikʼcạrko 14:11

Samson onḍeye seṭeren khan Philisṭiko do soṅgeae lạgitʼ pe gel koṛakoko ńamadea.

Bikʼcạrko 14:20

Unre acʼren soṅgetenko modre uniren mitʼṭen gate do uniren bạhuko goṅadea.

Kạhtukko 24:13

E bạbu, dumur rasa jomme, ente ona do bhagegea; ar chata khon rasa jomme, ona do amakʼ tạru lạgitʼ heṛemgea.

Sosolhayic̕ 2:5

Iń do huḍiń ar maraṅ aema bagwankoń tearkeda ar onare joto lekan jowanakʼ darekoń rohoekeda.

Soros sereń 1:13

Dulạṛiạtiń do gondhoroste perecʼ thạilạkʼ lekatiń one ińakʼ bạskin talare dohoakan.

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Genesis 37:25

Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.