Soros sereń 4:9 - সান্তালী বাইবেল

⁹ E dulạṛiạtiń, E bạhutiń, amakʼ beṅgetʼte iń dom mạluṅ kedińạ; ar amakʼ hoṭokʼ reakʼ mitʼ goṭecʼ sikṛi malate ińakʼ mon dom tolketʼtińạ.

Soros sereń 4:9 Referans Kwoze

Soros sereń 4:12

E dulạṛiạtiń, E bạhutiń, am do pạcri esetʼ akatʼ mitʼṭecʼ bagwan leka; ar bond akatʼ jharna ar kũń ḍạḍi kanam.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Soros sereń 7:10

Iń do ińren dulạṛiạren kạnạń ar ińrege uniyakʼ gagoj do menakʼtaea.

Johan sodor 21:2

Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Soros sereń 6:12

Ar jãhãnakʼ ạuriń bujhạurege ińakʼ jiwi do ińren rajakʼ rãt gạḍiko reakʼ mitʼṭecʼreye duṛupʼkedińa.

Soros sereń 6:5

Amakʼ mẽtʼkin do iń khon sahaṛtam; ente ona dokin khadbadao ocoyedeń kana Amakʼ upʼ do Gilead buru khon pheḍ hijukʼkan merom palko lekage.

Soros sereń 4:10

E dulạṛiạtiń, E bạhutiń, amakʼ dulạṛ doe rạskạ ocoyedeń kana! Ente darkha rasa khon, sanam jut mosolako khon ar amem ojokʼ akatʼ sunum reakʼ bas khon hõ amakʼ dulạr do artetʼge sorosgea!

Soros sereń 3:11

E Sionren kuṛiko, dela oḍok hijukʼpe, ńelpe, Solomon raj do mạ̃ṛteye sajao akana; uniyakʼ baplakʼ dinre, ar uniyakʼ rạskạ dinre, uniren eṅgattetʼ do mạ̃ṛe horokʼ akawadea.

Soros sereń 1:15

E dulạṛiạtiń, am dom mońjgea! Ńelme am do ạḍim cehragea. Amakʼ mẽtʼkin do potam mẽtʼkin leka.

Soros sereń 1:10

Cemkecʼ getama amakʼ johakin ar galaṅ upʼtam ar amakʼ hoṭokʼre mạnik mala do mońjge ńelokʼkana.

Sereńko 45:9

Amren bhodro maejiuko modre raj hoponerako hõ menakʼkoa, ar raj hoponera do Ophir reakʼ sonate sajkate amakʼ jojomsa aṛere menaea.

1 Korinthiko 9:5

Eṭakʼ sanam apostolko, Probhu Isorren boehako ar Kephasteko cetʼ leka akoren bạhuko seletʼ porcarko oḍokokʼkan, onkage Mạsire pạtiạu akan bạhuko seletʼ porcar oḍokokʼ reakʼ ạidạri do cetʼ bạnukʼtalea?

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Genesis 41:42

Ona tayom Pharao do acʼakʼ ti khon mohor chapakatʼ mundạm bocʼkate Josephe horokʼadea. Ar mońj utạrakʼ kicricʼe emadea ar hoṭokʼre sona reakʼ mala hõe horokʼadea.

Genesis 20:12

Ona chaḍa uni do ińren misera hõ kanae, ente gogoe eṭakʼgere hõ ạliń bana hoṛge ini mitʼ babaren gidrạ kana liń, ar ńitokʼ do ińren bạhu kanae.

Kạhtukko 1:9

Onako do amakʼ bohokʼ lạgitʼ ṭhosok mukuṭ ar hoṭokʼ reakʼ do mala kana.

Jeheskel 16:11

Gohonakoteń sajaoketʼmea; tire sakom, hoṭokʼre mala,

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Kạhtukko 6:25

Uniyakʼ mońjtetʼ ńelte monre alom lalocokʼa, ar uniyakʼ mẽtʼ pipnire alom jhampa ocokʼa;