Soros sereń 4:8 - সান্তালী বাইবেল

⁸ E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Soros sereń 4:8 Referans Kwoze

Dosar Biboron 3:9

Hermon do Sidonren hoṛko Sirion ar Amoriko do Senirko metakʼkana.

Soros sereń 2:13

Loa darere jo do ehopʼ akana; darkha nạ̃ṛĩko do bahakʼ kana ar onako reakʼ bas do mahkaokʼ kana. E ińren dulạṛiạ, ma beredokʼme; E mońjicʼ tiń, dela iń soṅgete hijukʼme.”

Sereńko 45:10

Ańjomme, E biṭi, moneyakʼme ar luturakʼme; ar amren hoṛ do hiṛińkakome; ar am babawakʼ oṛakʼ reakʼ katha hõ hiṛińkakʼme.

1 Bõsbudạ 5:23

Manase gusṭiren adha hoṛko do Bason khon Bakʼal-Harmen, Senir ar Harmen buru hạbicʼ oka jaegareko tahẽkan onḍe girobasokʼko ehopʼena. Onko do lekhare ạḍi ḍherko tahẽkana.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Soros sereń 7:11

E dulạṛiạtiń, dela, alaṅ do ṭạnḍire laṅ oḍok calakʼa. Ar ato bahre ar mehendi jhupuṭoṛokore laṅ giticʼ aṅgakʼa.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Kạhtukko 9:6

Lelhako sãote gatekʼ do bạgime, inạ khanem bańcaokʼa; am do budan reakʼ horte taṛamme.”

Sereńko 76:4

Marsalre am do samani jhak jhak! Sendra buru khon amakʼ ruạṛ hijukʼ do samani ṭhonok!

Sereńko 76:1

Jihudạ rajosṭiren sanamkoge Isorakʼ kathako baḍaea; Israelkoakʼ rajosṭire uniyakʼ ńutum do maraṅokʼtaea.

1 Rapajko 4:33

Uni do Lebanon reakʼ debdạru dare khon ehopʼkate bhitre janamokʼ ghãs hạbicʼ sanam dare reakʼe biborone lại akada. Uni do janwarko, cẽṛẽko, leńokʼ ṭunḍaṅkan jiwiyanko ar hakoko reaṅe lại akada.

Josuạ 12:1

Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana.

Dosar Biboron 3:25

Jordan gaḍa paromkate ona napae utạr disạm, metakʼme ona buru disạm ar ona Lebanon disạm baṛe ńel ocoạńme.’

2 Rapajko 5:12

Damesek reakʼ Abana ar Parpar gaḍa dakʼ do cetʼ Israel reakʼ sanam gaḍa dakʼko khon baṅ sorosgea? Iń do cetʼ onḍe umkate bạń sapha daṛekokʼa?” Ar niạ menkate uni do raṅgaoteye ruạṛ calaoena.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Jeheskel 27:5

Senir ṭoṭha khon onko do saro dare reakʼ toktako benao akada; ar amakʼ badam khunṭi lạgitʼ do Lebanon khon debdạru dareko ạguakada.