Soros sereń 4:6 - সান্তালী বাইবেল

⁶ Tin hạbicʼ baṅ aṅga marsalokʼ ar ńut ạuri cabakʼ unhạbicʼ iń do gondhoros burure, hẽ, kunduru reakʼ burureń tahena.

Soros sereń 4:6 Referans Kwoze

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Soros sereń 4:14

Onḍe do jaṭamạnsi, sasaṅ, boc, darcini ar sanam lekan kunduru darekoge menakʼa; onḍe do gondhoros, oguru ar joto lekan jut so dare nạ̃ṛĩkoge menakʼa.

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

1 Johan 2:8

Menkhan nõkʼõe okaṭakʼ hukum reakʼ katha ape ṭhen ńitokʼ iń oletʼkan ona do maregere hõ nãwãgea. Noa hukum reakʼ sạritetʼ do Jisu Mạsire ar apeakʼ jionre ńel akana, ente ńut do cabakʼkana ar ona sạri marsal do ńitokʼ jolokʼkana.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Sereńko 66:15

Iń do am lạgitʼ lodgopʼ janwarkote jeredokʼakʼ iń samaṅ ama ar ona sãote jeredokʼ bhiḍi reakʼ mońj sogeń samaṅama; iń do ḍaṅgra ar meromgeń dãṛẽama. (Sela)

Exodus 37:29

Ona chaḍa riritʼko reakʼ dharate jut so mosola reakʼ nirạ dhup ar ojogokʼ sunum hõe tearkeda.

Exodus 30:8

Ar ńuhumokʼ jokhecʼ diuhe jol oktere uni do arhõ ona dhupe jereda. Onate aperen bõsko do piṛhike piṛhi Probhu Isor samaṅre jaoge dhup jered hoyokʼtakoa.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Soros sereń 8:14

E dulạṛiạtiń, dela hijukʼme; jut so mosolate perecʼ buru coṭre selepʼ jel leka, juạn jhaṅkaṛ jel leka baṛe hoyokʼme.