Soros sereń 4:2 - সান্তালী বাইবেল

² Amakʼ ḍaṭako do kạpci akatʼko bhiḍi palrenko leka one onko do ạrupʼko khonko rakapʼ hijukʼkan. Onko mimitʼkoren do joṛa menakʼkoa, ar okoeṭakʼge bako atʼ akana!

Soros sereń 4:2 Referans Kwoze

Soros sereń 6:6

Amakʼ ḍaṭako do kạpci akatʼko bhiḍi palrenko leka; one onko ạrupʼko khonko rakapʼ hijukʼkan. Onko mimitʼkoren do joṛa menakʼkoa, ar okoeṭakʼge bako atʼ akana.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Exodus 23:26

Apeakʼ disạmre unre okoeyakʼ kukhiren gidrạ hõ bako nosṭokʼa ar okoe hõ bạńjhi do bako tahena. Iń do purạteń bahaopea.

Soros sereń 4:1

E dulạṛiạtiń, am dom mońjgea! Hẽ, am do ạḍitetʼgem mońjgea. Ṭuṭuri danaṅre potam mẽtʼkin leka amakʼ mẽtʼkin do, ar amakʼ upʼ do Gilead buru khonko pheḍ hijukʼkan merom pal lekage.

Soros sereń 4:3

Amakʼ luṭikin do jeṅgetʼ arakʼ phitạ leka; ar mẽtʼãhã do ạḍi napaegetama! Ṭuṭuri danaṅre ḍạlim jo kecakʼ leka amakʼ joha do.