Soros sereń 4:16 - সান্তালী বাইবেল

¹⁶ Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.

Soros sereń 4:16 Referans Kwoze

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Romiko lạgitʼ Pạul Apostolakʼ ciṭhi 15:28

Ińakʼ noa kạmiń sạtle khan ar ona dan ṭhik leka seṭerakana menteń baḍaele khan ape secʼte Spainiạteń calakʼa.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Johan 5:8

Jisu do uniye metadea, “Ma beretʼme, ar amakʼ parkom kuṭuṅtam ar taṛamme.”

Johan 3:8

Hoe do oka secʼ sanaye ontegeye hoeyeda ar ona reakʼ saḍetetʼem ańjoma, menkhan oka khon hijukʼ kana ar okate calakʼa ona do bam baḍaea. Sonot Jiu khon okoeyakʼ janam hoyakan onko do ṭhik onkageko hoyokʼa.”

Mathae 26:12

Uni do hoṛmore mahkaokʼ sunume dulạdińte topayiń lạgitʼe sapṛaoe edeńkana.

Mathae 26:10

Jisu onae baḍaeketʼ khan onkoe metatʼkoa, “Nui do cedakʼpe mon duk ocoyede kana? Uni do iń lạgitʼ bhageakʼgeye kạmi akada.

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Soros sereń 8:12

Ińakʼ darkha bagwan menakʼa, ona do ińakʼkangea. E Solomon, ona gelbar keji rupạ do amakʼge tahenma, menkhan bar keji tala do onko lạgitʼge okoe do joko horho kan.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

Sosolhayic̕ 1:6

Hoe do dạkhin secʼe hoeyeda, ar ona tayom do utạr secʼ ạcur calakʼ kana; ona do ạcur ạcurte acʼakʼ horteye ruạṛ hijukʼ kana.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

Sosolhayic̕ 2:5

Iń do huḍiń ar maraṅ aema bagwankoń tearkeda ar onare joto lekan jowanakʼ darekoń rohoekeda.

Soros sereń 1:13

Dulạṛiạtiń do gondhoroste perecʼ thạilạkʼ lekatiń one ińakʼ bạskin talare dohoakan.

Soros sereń 2:8

Ote ańjompe, ińren dulạṛiạwakʼ sabad, hạni ńelepe, uni doe hijukʼ kana; uni do buru boṭkocʼ cetante don donteye hijukʼ kana.