Soros sereń 4:14 - সান্তালী বাইবেল

¹⁴ Onḍe do jaṭamạnsi, sasaṅ, boc, darcini ar sanam lekan kunduru darekoge menakʼa; onḍe do gondhoros, oguru ar joto lekan jut so dare nạ̃ṛĩkoge menakʼa.

Soros sereń 4:14 Referans Kwoze

Exodus 30:23

“Am do soros sorosakʼ jut so mosolako, metakʼme mõṛẽ keji gondhoros, bar keji tala jut so darcini, bar keji tala boc,

Soros sereń 4:6

Tin hạbicʼ baṅ aṅga marsalokʼ ar ńut ạuri cabakʼ unhạbicʼ iń do gondhoros burure, hẽ, kunduru reakʼ burureń tahena.

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Jeheskel 27:19

Bodan ar Jawanren hoṛko do amakʼ jinisko bodolte Usal khon ạguwakʼ koṭecʼ jhalkaoakʼ mẽṛhẽtʼ, darcini, tejpat ar bocko emokʼkan tahẽkana.

Soros sereń 1:12

Raj do acʼakʼ ṭenḍar mạcire tinreye ṭenḍar akan tahẽkana unre ińakʼ jaṭamạnsi sunum do mahkao oḍokena.

Kạhtukko 7:17

Gondhoros, oguru ar darcinite aṭetʼiń mahkao ocoakatʼa.

Johan sodor 18:13

darcini jut so mosola, dhup, mahkaokʼ sunum, kunduru, darkha rasa, jạitun reakʼ sunum, holoṅ ar guhum; ḍaṅgrako, bhiḍiko, sadomko ar gạḍiko ar golamkoge.

Johan 19:39

Ar lahate ạyupʼ jokhecʼ okoe do Jisu ṭhene hecʼlen uni Nikodemus hõ pegel pe keji mesao akatʼ gondhoros ar oguruanteye hecʼena.

Mark 16:1

Ado Jirạukʼ mãhã paromen khan Magdalaren Mạriạm, Jokob eṅgat Mạriạm, ar Salomiteko do mạ̃ṛĩre ojokʼakʼ lạgitʼ mońj so mosolako kiriń ạgukeda.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

2 Bõsbudạ 9:9

Uni do pon ṭon tala khon hõ bạ̃ṛti sona raje emadea, ar ạḍi utạr jut so mosolako ar damanakʼ mạnik dhiriko hõe emadea. Seba rạni do Solomon oka lekan mosolakoe emade onkan jut so mosola do ar tisge baṅ ńelakan tahẽkana.

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

Numeri 24:6

Onako do buru tala otetko leka, gaḍa aṛe reakʼ bagwanko leka, Probhu Isore rohoe akatʼ Aguru dareko leka, dakʼ aṛe reakʼ debdạru dareko lekage.

Genesis 43:11

Unre onkoren apate metatʼkoa, “Onkage hoyokʼ khan, enḍekhan mitʼṭecʼ kạmipe. Uni hoṛ lạgitʼ dan lekate noa disạm reakʼ bhage bhage jinisko reakʼ thoṛa thoṛa idi torawaepe, ona do noakoge, ran sunum, dumur rasa, jut so mosola, gondhoros, pesta jo ar badam.

Sereńko 45:8

Gondhoros, kunduru ar darcini reakʼ mahkaote amakʼ raj horokʼakʼ do mahkaokʼ kana; ar hạti sonḍa reakʼ raj dolanre taranakʼ banam do ame rạskạ ocoyetʼmea.