Soros sereń 4:12 - সান্তালী বাইবেল

¹² E dulạṛiạtiń, E bạhutiń, am do pạcri esetʼ akatʼ mitʼṭecʼ bagwan leka; ar bond akatʼ jharna ar kũń ḍạḍi kanam.

Soros sereń 4:12 Referans Kwoze

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ hõ jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu Isor lạgitʼge ar Probhu Isor do hoṛmo lạgitʼge.

Johan sodor 7:3

“Aboren Isorren golamkoakʼ moloṅre mohor chap ạuri emako hạbicʼ dhạrti, jalapuri ar dareko do alope hạ̃na.”

1 Korinthiko 7:34

Bạhu ar kũạ̃ri kuṛi reaṅ hõ begar menakʼa. Bin baplayicʼ maejiu do Probhu Isor reakʼakʼko reaṅe dandokʼ kana, jemon hoṛmote ar Jiute sonote tahen; menkhan bapla akan kuṛi do gharońj reakʼe dandokʼkana, cekate uni do jãwãetetʼe kusi ocoyea.

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.

Ephesiko lạgitʼ Pạul Apostolakʼ ciṭhi 1:13

Ar apeko hõ sạriyakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

2 Korinthiko 1:22

metakʼme uni do apnarakʼ dhon leka ale doe mohor chap akatʼlea; ar okaṭakʼe emale ona reakʼ pạhil hạṭiń lekate uni do aleakʼ ontorre sonot Jiue emakatʼlea.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Soros sereń 6:11

Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

Soros sereń 6:2

Dulạṛiạtiń do acʼakʼ bagwanteye sen akana, jut so mosola reakʼ bawgantege; bagwanre acʼren khạṛko ạtińko lạgitʼ ar sikiyạm baha sitʼ jarwae lạgitʼge.

Genesis 29:3

Gukʼpiko do tinre sanam bhiḍi palko jarwayetʼko tahẽkana unre kuń reakʼ moca khon dhiri ocokʼkate onko do bhiḍiko dakʼko ńũ akokan tahẽkana. Ar ona tayom do arhõ dhiriteko esetʼkakʼ kan tahẽkana.

Soros sereń 4:9

E dulạṛiạtiń, E bạhutiń, amakʼ beṅgetʼte iń dom mạluṅ kedińạ; ar amakʼ hoṭokʼ reakʼ mitʼ goṭecʼ sikṛi malate ińakʼ mon dom tolketʼtińạ.