Soros sereń 2:8 - সান্তালী বাইবেল

⁸ Ote ańjompe, ińren dulạṛiạwakʼ sabad, hạni ńelepe, uni doe hijukʼ kana; uni do buru boṭkocʼ cetante don donteye hijukʼ kana.

Soros sereń 2:8 Referans Kwoze

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Aposkạmi 3:8

Uni doe don beretʼena ar taṛam baṛaye ehopʼena. Tayomte uni do taṛam ar don donte Isor sarhao sarhaoete unkin sãote mundilteye boloyena.

Jirimiạ 48:27

E Moab, Israel do cetʼ amren landa-dhutʼicʼ bae tahẽkana? Uni do cetʼ kombṛoko talareye ńamlena, onate uni reaṅem roṛ pichạ hirkhạte bohokʼem rukuyetʼtama?

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 35:6

Unre leḍhako do jel hopon lekako don baṛaea, guṅgạ hoṛkoakʼ alaṅ do rạskạteye andoṛa, hahaṅkarre do dakʼ bhumbukokʼa. Ar khaṅkar jaegakore do gaḍa dakʼ ạtukʼa.

Soros sereń 5:2

Iń doń jạpitʼleda, menkhan ontor do jagwarge tahẽkantińạ. Ote ańjompe, ińren dulạṛiạ do silpińe ṭhopʼ ṭhopʼeda, “E dulạṛo, E dulạṛiạtiń, E potam juri tiń, E nichorayicʼ tiń, duạr jhicʼạńme baṛe. Ente sisir dakʼte ar ńindạ reakʼ kuṛhạte ińakʼ bohokʼ upʼ do lohodokʼ kantińạ.”

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

Luk 6:23

Unre ape do rạskạkʼpe ar hulạsokʼpe, ente ape lạgitʼ sermare maraṅ kuṛại menakʼa. Ente onkoren hapṛam hõ nạbikoko onkaletʼkoa.

Soros sereń 4:16

Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.