Soros sereń 1:5 - সান্তালী বাইবেল

⁵ E Jerusalemren kuṛiko, kedar reakʼ tạmbuko lekań hendege rehõ Solomonakʼ tạmbu orwalko lekań cehragea.

Soros sereń 1:5 Referans Kwoze

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Soros sereń 5:16

Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Soros sereń 5:8

E Jerusalemren kuṛiko, kiriạwạńpe, ińren dulạṛiạtińpe ńamle khan lạiyaepe iń do dulạṛteń kạhil caba akana.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Soros sereń 2:7

E Jerusalemren kuṛiko, Poṭretʼ jel ar posta eṅgako ńutumteń nehõrokʼ kana, dulạṛ do alope buskuyea ar alope ebhenea uniyakʼ okteko ạuri hoyokʼ hạbicʼ.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Mathae 22:11

“Inạ tayom raj do peṛa ńelko lạgitʼ bhitriteye boloyena,

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Jeheskel 16:14

Amakʼ mońj iạte amakʼ ńutum do boṅgan hoṛ jạtrenko talare pasnaoentama, ar am sajketʼme reakʼ purạ mahttoge ińakʼ tahẽkana. Iń Probhu Isorge noa katha doń meneda.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 60:7

Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Soros sereń 6:4

E dulạṛiạtiń, am do Tirsa nagraha lekam mońjgea, Jerusalem lekam ṭhosokgea; nisạnkoante phạdko leka ṭhonokanicʼge.

Soros sereń 4:3

Amakʼ luṭikin do jeṅgetʼ arakʼ phitạ leka; ar mẽtʼãhã do ạḍi napaegetama! Ṭuṭuri danaṅre ḍạlim jo kecakʼ leka amakʼ joha do.

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Galathiko lạgitʼ Pạul Apostolakʼ ciṭhi 4:26

Menkhan okaṭakʼ Jerusalem do serma reakʼkan, uni doe sạdhingea; ar unige aboren gogo do.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Soros sereń 8:4

E Jerusalemren kuṛiko, nehõrkateń metape kana, dulạṛ do alope buskuyea ar alope ebhenea uniyakʼ okteko ạuri hoyokʼtae hạbicʼ.

Soros sereń 3:10

Ona khuṛkhuṛi reakʼ khunṭiko do rupạ reakʼ, ar ṭenḍarakʼ do sona reakʼ tahẽkana, ona reakʼ palan do beguni roṅakʼge; ar Jerusalemren kuṛiko do dulạṛte bhitri reakʼ aṭetʼakʼko benaoatʼ tahẽkana.

Soros sereń 3:5

E Jerusalemren kuṛiko, poṭretʼ jel ar posta eṅgako ńutumteń nehõrokʼ kana uniyakʼ okteko ạuri hoyokʼtae hạbicʼ uni do alope buskuyea, ar alope ebhenea.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 90:17

Aboren Probhu Isorakʼ daya do abo cetanre baṛe tahen ma; aleakʼ sanam kạmi kajaktaleme, hẽ, aleakʼ sanam kạmi baṛe kajak utạrtaleme.

Sereńko 45:9

Amren bhodro maejiuko modre raj hoponerako hõ menakʼkoa, ar raj hoponera do Ophir reakʼ sonate sajkate amakʼ jojomsa aṛere menaea.

Jesaea 21:16

Probhu Isor do ińe metadińạ, “Rikit akade guti cetʼleka bochore lekhae onkage mitʼ bochor bhitrite Kedar reakʼ sanamakʼ ṭhonok do caba utạrokʼa.

Jeheskel 27:21

Arob ar Kedarren sanam sordarko do amren asol bạnij-bekʼpariko tahẽkana.