Soros sereń 1:17 - সান্তালী বাইবেল

¹⁷ Alaṅakʼ oṛakʼ reakʼ koaliko do Debdạru dareko kana ar saro dare do alaṅakʼ oṛakʼ reakʼ koṭha kana.

Soros sereń 1:17 Referans Kwoze

Ibriko 11:10

ente oka nagraha tahẽ utạrokʼ uni do ona nagraha reakʼ koyokʼ horreye tahẽkana. Ona nagraha reakʼ noksa ar gathao rakab reakʼ kạmi do Isorgeye kạmiakada.

Sereńko 92:12

Dhorom hoṛ do khijur dare lekae ḍagḍagaokʼa; uni do Lebanon reakʼ debdạru dare lekae hara rakapʼa.

Jeheskel 42:3

Noa dolan do tahẽkana bhitri raca reakʼ bargel moka ona phaelao jaega ar bahre racare tol akatʼ jaega talare. Dolan do pe mahla tahẽkana ar mimitʼ mahla reakʼ kandhako samaṅte taṛam reakʼ hor hõ tahẽkana.

Soros sereń 8:9

Uni do pạcriye tahẽlen khan uni cetante rupạ reakʼ pahra oṛakʼle benaokea. Ar duạre tahẽlen khan enḍekhan debdạru kaṭ reakʼ toktate uni do sińkatele dohokea.

Soros sereń 7:5

Bohokʼ tam do Karmel buru leka sajakana; amakʼ bohokʼ reakʼ dalae dalae upʼ do beguni roṅ lekage; ar raj do ona lacha upʼteye bondi akana.

1 Rapajko 6:9

Nonkate uni do mundil oṛakʼe benaokeda ar sạt hõe sạtkeda. Uni do saṅgha ar debdạru reakʼ kaṭte ona reakʼ chat hõe dapʼkeda.

1 Rapajko 6:10

Mundil oṛakʼ reakʼ pe aṛege uni do thoṛa kandhakoe benao ocokeda. Ona kandhako reakʼ usultetʼ do mõṛẽ moka tahẽkana ar debdạru kaṭ reakʼ saṅghate chate benao ocokeda. Ona saṅgha reakʼ mitʼ secʼ do mundil oṛakʼ bhit reakʼ khap cetanre dohoyena.

2 Bõsbudạ 3:5

Oṛakʼ reakʼ asolakʼ kandha do pạhilre saro kaṭ reakʼ toktateye dapalkeda ar ona tayom do khạṭi sonateye tolkeda, ar khijur dare ar sikṛi reakʼ muṭhạnkoe noksawada.

Jirimiạ 22:14

Hae uni do, okoeye menetʼ, ‘iń lạgitʼ mitʼṭecʼ maraṅ okocʼ oṛakʼ iń benaoa ar cetan koṭhare do maraṅ maraṅ kandhakoń teara. Ar onare maraṅ maraṅ jalnakoń benaoa ar ona reakʼ toktako do debdạru reakʼ kaṭte ar arakʼ roṅteń sajaoa.’