7 Jalapuri ar onare menakʼ jotoge rạskạteko andoṛma; dhạrti ar onareko tahenkan jotoko rạskạteko andoṛma.
E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.
Sermae rạskạkʼma, ar dhạrti doe kusikʼma; jalapuri ar onare menakʼ jotowakʼge hud hudạukʼma;
Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;
Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.