Sereńko 98:4 - সান্তালী বাইবেল

⁴ Dhạrtiren sanam hoṛ, ape do Probhu Isor ńutumte rạskạkʼpe; ar rạskạte andoṛpe ar sarhao sereńpe.

Sereńko 98:4 Referans Kwoze

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Sereńko 100:1

E dhạrtiren sanam hoṛ, ape do Probhu Isor oṛhẽ sereńaepe.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Sereńko 66:1

Dhạrtiren manwako, ape jotoge Isor sarhao sereńaepe.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

Johan sodor 19:1

Noa tayom iń do sermare ạḍi utạr hoṛkoakʼ sabad lekań ańjomkeda. Onko doko menetʼ tahẽkana, “Halleluyah! Bańcao, ṭhonok ar daṛe, jotoge aboren Isorakʼ kana,

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Sereńko 67:4

Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)

Sereńko 71:22

E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Sereńko 95:2

Dela, sarhao sereńate uni samaṅre bon calakʼma, ar õṛhẽ sereńte uni ńutumte bon rạskạkʼma.