Sereńko 97:2 - সান্তালী বাইবেল

² Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Sereńko 97:2 Referans Kwoze

Sereńko 89:14

Dhorom ar hok cetanre amakʼ siṅghạson do teṅgo akana; dulạṛ ar sạriyakʼtetʼ do am laha lahate calakʼ kana.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Sereńko 77:19

Am do jalapuri talatem horleda, ar athantar dakʼ talatem ḍaharleda, menkhan amakʼ jaṅga reakʼ cinhạ do baṅ ńellena.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Jobakʼ 23:14

Uni do iń lạgitʼ okae ṭhik dohoakatʼ onageye kạmiyeda; onkan aema niṭakʼge uniyakʼ do ńit hõ menakʼtaegea.

Jobakʼ 26:9

Uni do kunạmi cando reakʼ mẽtʼãhãe dapaleda, ona cetanre acʼakʼ rimile pasnaoeda.

Sereńko 89:15

Bhạgangeako onko hoṛ do, okoe do ona rạskạ aṛaṅko ańjomakatʼ; E Probhu Isor, amakʼ mẽtʼãhã reakʼ marsalte onko doko dãṛãn kana.