Sereńko 97:11 - সান্তালী বাইবেল

¹¹ Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Sereńko 97:11 Referans Kwoze

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Jobakʼ 22:28

Okaṭakʼem goṭae onaregem jo bahakʼa, ar amakʼ hor do marsalokʼtama.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Galathiko lạgitʼ Pạul Apostolakʼ ciṭhi 6:8

Okoe acʼakʼ jel lạgitʼe era; uni do jel khonakʼ maraoakʼgeye irạ. Menkhan sonot Jiu lạgitʼe er khan uni do jaejug jiongeye ir joṅa.

Sereńko 18:28

Amge ińakʼ jion reakʼ diuhe dom jol dohoyetʼ kana; ińren Probhu Isor do ińakʼ ńute marsalketʼtińạ.

Ester 8:16

Jihudiko lạgitʼ okte do ạḍi rạskạ, hulạsokʼ ar manot reakʼ hoyena.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Mikạ 7:9

Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jobakʼ 11:17

Amakʼ jion do tikin khon hõ bạ̃ṛti marsalokʼa ar ńut do setakʼ bela leka hoyokʼa.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.