Sereńko 95:7 - সান্তালী বাইবেল

⁷ Uni kangeae aboren Isor do, ar abo do uniren kana bon; uniyakʼ gupi ṭạnḍiren bhiḍiko leka uni doe ńel sãohayetʼ bona. Ohae, teheń baṛe ińakʼ kathape ańjomletiń khan!

Sereńko 95:7 Referans Kwoze

Ibriko 4:7

Onate Isor do pạhilre Israelko ṭhen cetʼlekae menletʼ ṭhik onkage ḍher din tayom Dạud raj hotete arhõe menakada, teheń uniyakʼ aṛaṅpe ańjomle khan, uniye meneda, “Apeakʼ ontor do alope keṭejtapea.” Noa kathate uniyakʼ jirạu joṅ jaegare bolokʼ lạgitʼ Isor do ar mitʼṭecʼ okteye niṭakatʼ tahẽkana ar ona reakʼ ńutume dohoakatʼ tahẽkana Teheń.

Ibriko 3:15

Ente ńit hõ nonka roṛogokʼ kana, teheń uniyakʼ aṛaṅpe ańjomle khan, uniye meneda, “Aperen hapṛamko leka apeakʼ ontor do alope keṭejtapea.”

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Sereńko 23:1

Probhu Isor kangeae ińren gukʼpiyicʼ, iń do ohogeń ṭonṭalena.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Sereńko 79:13

Enḍekhan ale, amren hoṛ, okoe do gupi ṭạnḍiren bhiḍiko kanle, ale do jaejug hạbicʼle gun manao joharama ar piṛhi cetan piṛhi le sarhaomea.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Sereńko 67:6

Ot do acʼakʼ phosole em akana; Isor, aboren Isor do, aboe bhor akawatʼbona.

Kạhtukko 8:6

Ańjomme, iń do lek lekan kathań roṛa, ar khạṭi katha roṛ lạgitʼ ińakʼ mocań jhijtińạ.

1 Bõsbudạ 16:14

Unige aboren Probhu Isor do; goṭa dhạrti do uniyakʼ ḍanṭaote calakʼkana.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.