Sereńko 95:3 - সান্তালী বাইবেল

³ Probhu kangea maraṅ Isor do; sanam debotako cetanre uni kangeae maraṅ raj.

Sereńko 95:3 Referans Kwoze

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Sereńko 135:5

Ińiń baḍaea Probhu Isor doe maraṅgea; aboren Probhu Isor do joto debotako khon hõe maraṅgea.

Sereńko 97:9

E Probhu Isor, am do goṭa dhạrtiren maraṅ Isor kanam; sanam debotako cetanre am do menama.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Mathae 5:35

Dhạrti ńutumte hõ alo ente ona do uniyakʼ jaṅga lebedokʼ jaega kana. Jerusalem ńutumte hõ alo, ente ona do maraṅ rajakʼ nagraha kana.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Dosar Biboron 7:21

Ape do alope botorakoa, ente aperen Probhu Isor do ape talare menaea, uni doe maraṅgea are botorangea.

Nehemiạ 8:6

Unre Esra do maraṅ Probhu Isore sarhaokedea ar sanam hoṛ do ti tul kateko menkeda, “Amen, Amen.” Ar otre ombakʼkate Probhu Isorko sewawadea.

Sereńko 47:3

Uni do eṭakʼ eṭakʼ jạtrenko abo gobolre, ar aboakʼ jaṅga latarreye dohoyetʼkoa.

Sereńko 104:1

E ińakʼ jiwi, Probhu Isor sarhao sereńaeme; E Probhu, ińren Isor, am dom dayawạnicʼ kana! Am do ṭhonok ar mantem sajao akana.