Sereńko 94:23 - সান্তালী বাইবেল

²³ Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.

Sereńko 94:23 Referans Kwoze

Sereńko 7:16

Acʼakʼ bedhorom reakʼ bojha do acʼakʼ bohokʼrege ruạṛ hecʼaea; ar okoeye julumede ona do uniyakʼ bohokʼrege ńurokʼa.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Kạhtukko 2:22

menkhan disạm khon bạṛicʼko doko kaman ocokʼa ar bepạtiạrko doko or totʼ giḍi ocokʼa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Sereńko 64:8

Onko do akoakʼ alaṅtege muskilko ạgujoṅ kana; onko beṅgetʼakote sanamkoge bohokʼko rukuitakoa.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Daniel 7:24

Ona gel goṭecʼ dereń do hoyokʼ kana gel goṭecʼ rajosṭi khon gel goṭen rapajko upelokʼa. Onko tayom do ar mitʼṭen raje rakapʼ hijukʼa, uni do lahaten rapajko khon eṭakʼ lekae hoyokʼa; ar onko pea rapajkoe bhagaokoa.

Jeheskel 18:24

“Menkhan mitʼṭen hoṛ do acʼakʼ dhorom khon ruạṛkateye kại ar dusṭạmi hoṛko leka bạṛicʼakʼe kạmi enḍekhan uni do cetʼ jiwetʼe tahena? Unre uniyakʼ dhorom kạmi do ar bạń disạitaea. Uni do acʼakʼ bepạtiạr ar kại iạtege khạṭigeye gujukʼa.

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Sereńko 12:3

Okoeko men, “Alaṅ reakʼ jortege bon jitạukʼa; ar aboakʼ luṭi do abo secʼge menakʼa, aboren mạlik do okoeye hoekokʼa?” Onkoakʼ luṭi ar bạḍạite perecʼ alaṅ do Probhu Isorge jemone getʼ giḍikatako.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Bikʼcạrko 9:57

Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.

2 Rapajko 19:7

Ańjomme, iń do unire mitʼṭecʼ jiuiń kolea ar onate uni do mitʼṭecʼ sombate ańjoma ar acʼakʼ disạmteye ruạṛ calakʼa ar iń do onḍege tarwaṛeteń makʼ gojea.’ ”

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Sereńko 109:20

Okoe iń secʼrenko baṅkante, iń reaṅ bạṛicʼko roṛ, onko do Probhu Isor ṭhen khon jemon noa jo geko ńam.

Kạhtukko 5:23

Ḍanṭao bae senakʼte uni doe gujukʼa; Ar acʼakʼ maraṅ lelhatetʼ iạte uni doe sen adokʼa.

Jirimiạ 36:31

Iń do am ar amren hoponko ar amren kạmiyạkoakʼ behokakʼko iạteń sạjạipea; iń do ape upạrte okako muhin reakʼ kathań roṛakatʼ ona sanamakʼge ape cetanre, Jerusalemre ar Jihudạren hoṛko cetanreń paṛao ocoya, ente ape do ińakʼ katha bape ańjomletʼtińạ.’ ”