Sereńko 94:21 - সান্তালী বাইবেল

²¹ Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

Sereńko 94:21 Referans Kwoze

Mathae 27:1

Ado setakʼen khan maraṅ naekeko ar murubbiko do Jisu goje reakʼko goṭakeda.

Kạhtukko 17:15

Bạṛicʼicʼ dhorom metae hoṛ ar dhoromicʼ bạṛicʼ metae hoṛ, Probhu Isor do unkin banargeye hirkhawạkin kana.

Sereńko 59:3

Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Exodus 23:7

Eṛe katha khon pharakre tahenme ar jãhãn bindusạn se dhorom hoṛ do gujukʼ sạjại alom emaea. Okoe noa behokakʼe kạmi uni do rehay ohoe ńamlea.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Kạhtukko 1:11

Jãhãegeye metam, “Dela ale sãote hijukʼme, ar khũn lạgitʼ dela tãṛãkʼ akae bon tahenma, ar miridos hoṛ sabe lạgitʼ dela bon coko hataṛokʼma.

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Jeheskel 22:6

“‘Ńelme, amre menakʼko Israelren cakʼlaoko do akoakʼ daṛe leka mãyãm joro ocoy lạgitʼko mone muruk akada

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Sereńko 106:38

Onko do bedhoromko, metatʼme akoren gidrạkoakʼ mãyãmko joro ocokeda. Onko do Kananren murhutʼko ńutumteko dãṛẽketʼkoa, onate goṭa disạmge mãyãmte bhoṅḍena.

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

2 Bõsbudạ 24:21

Menkhan hoṛko do Sakariạ upạrteko soṛojontrokeda ar rajakʼ hukumte Probhu Isorakʼ baker racare dhiriteko tiń gocʼkedea.

Daniel 6:8

Onate E maharaj, ńitokʼ ona hukum olakʼ lekate emokʼme jemon Madae ar Parasrenkoakʼ arhõ mitʼṭecʼ ạn hoyokʼte tishõ ona do baṅ bodolokʼ.”