Sereńko 94:20 - সান্তালী বাইবেল

²⁰ Bạṛicʼ bikʼcạrko do bạṛicʼ kạmi lạgitʼ ạnko teara; onko do cetʼ am sãote jãhãn helmel tahẽ daṛekokʼtakoa?

Sereńko 94:20 Referans Kwoze

Jesaea 10:1

Hae onko hoṛ do, okoe do behok reakʼ ạn oḍok kate ar eṛe dolil benaokate reṅgecʼ hoṛko akoakʼ ạidạri khonko ocokʼetʼko ar ińren santao ocokʼkan hoṛko hok reakʼ bicạr khonko tạkicʼetʼko, ar rạnḍi maejiu ar ṭũạrkoakʼ jinisko luṭetʼtako.

Sereńko 58:2

Se, apeakʼ monre behok reakʼ monsubạ menakʼtapea; bicạr reakʼ tulạte dhạrtire ape do santaogepe soṅeda.

Johan 11:57

Maraṅ naekeko ar Phạrusiko doko hukumletʼ tahẽkana je, Jisu okare menaea mente jãhãegeye baḍaele khan uni do onkoe baḍae ocoko jemon onko do Jisuko sapʼ daṛeae.

Sosolhayic̕ 3:16

Iń do siń cando latarre ar mitʼṭen bepariń ńelkeda, hok bicạr ar dhorom jaegare hõ bedhorom do menakʼgea.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Amos 6:3

Ape dope hudisetʼkana, muhin reakʼ din dope sạṅgiń giḍiakada, menkhan ape do jobor jạsti reakʼ rajosṭipe calaoeda.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Sereńko 50:16

Menkhan Isor do bạṛicʼ hoṛkoakʼ noa kathae meneda, “Ińakʼ ạn reakʼ katha se ińakʼ bondobos reakʼ katha roṛ reakʼ amakʼ do cetʼ jãhãnakʼ ektiạri menakʼtama?

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

1 Rapajko 12:32

Jihudạ ṭoṭha talare oka porob hoyokʼkan tahẽkan ona porob leka irạlakʼ cando reakʼ gel mõṛẽakʼ din hilokʼre uni do Bethelre hõ mitʼṭecʼ porob reakʼe bebostakeda ar acʼe benao akade mĩhũ ńutumte pinḍ cetanre janware samaṅkedea. Uni do Bethel reakʼ usul than boṭkocʼkore hõ acʼ benaoakʼ mundilre naekekoe bahalketʼkoa.

Sereńko 82:1

Isor do acʼakʼ bạisi talareye teṅgo akana; uni do disạm cakʼlaoko tala khon onkoe bicạretʼkoa are hukumako kana;

1 Samuel 22:12

Unre Sạule menkeda, “Ańjomme, E Ahiṭubren hopon.” Uniye menkeda, “Ma roṛme, maharaj.”

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.