Sereńko 94:16 - সান্তালী বাইবেল

¹⁶ Iń ńutumte bạṛicʼko upạrte do okoeye teṅgokʼa? Iń ńutumte dusṭạmiko do okoeye teṅgo daramkoa?

Sereńko 94:16 Referans Kwoze

Bikʼcạrko 5:23

Probhu Isorren goḍete menkeda, “Meros baṛe sarapaeme, ạḍitetʼ sarapaeme onḍenko hoṛ do; lạṛhạire Probhu Isor tulucʼ bako seletʼlena, ar daṛeanko upạrte hõ baṅa.”

3 Johan 1:8

Onate nonkan hoṛ goṛowako do lek tabona, jemon Isorakʼ sạriyakʼ lạgitʼ abo hõ onkoakʼ kạmire são kạmiyạko bon hoyokʼ.

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Sereńko 59:2

Okoe bạṛicʼakʼko kạmiyetʼ kan onkoakʼ ti khon bańcaoińme; ar khuniạhikoakʼ ti khon rukhiyạyińme.

Sereńko 17:13

E Probhu Isor, ma beretʼme, ar teṅgo daramkote, otre baṛe tawakʼ bhindạṛkom. Amakʼ tarwaṛete bedhoromkoakʼ ti khon rukhiyạyińme.

Nehemiạ 5:7

Iń do onkoakʼ kathako hudiskateń ńelkeda ar ona tayom do manotan hoṛko ar mukhiyạko dusiketʼkoteń metatʼkoa, “Ape do aperen nij disạmren hoṛko ṭhen khon sudpe jomeda.” Onate iń do onko bicạrko lạgitʼ mitʼṭecʼ maraṅ sabhań hohokeda.

2 Rapajko 10:15

Ar Jihu do onḍe khone calaoen khan Rekabren hopon Jehonadab sãoteye ńapamena. Uni do Jihu sãote ńapamokʼ lạgitʼgeye hecʼlena. Jihu do uni joharadeteye metadea, “Cetʼ leka am secʼ minạń onkage cetʼ amhõ iń secʼ menama?” Jehonadabe roṛ ruạrkeda, “Hẽ, minạńgea.” Jihui menkeda, “Onka khan ti baṛe tiạrtam.” Jehonadab tiye tiạrketʼtae khan Jihu do acʼakʼ rãt gạḍireye rakapʼkedea.

2 Rapajko 9:32

Jihu do jalna secʼ beṅgetʼ rakapʼkateye menkeda, “Iń secʼ okoe menakʼpea? Okoe menakʼpea?” Unre adom mạ̃yạ̃ṛiko do uniko oyoṅkedea.

Numeri 10:35

Goha sinduk tinre mohnḍakʼkan tahẽkana unre Moseye menetʼ tahẽkana, “E Probhu Isor de beretʼme. Amren bạiri doko chirchạtur cabakʼma ar okoe amko kurudamkan onko do am samaṅ khonko ńir pharakokʼ ma.”

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?