Sereńko 92:7 - সান্তালী বাইবেল

⁷ Bedhorom hoṛko do ghãs lekako hara rakabokʼ kana ar dusṭạmi kạmikanko do usạrateko phulạukʼ kana enhõ onko do jaejug lạgitʼko marao utạrokʼa.

Sereńko 92:7 Referans Kwoze

Sereńko 37:38

Menkhan kạkạiko doko marao cabakʼa; onko bạṛicʼ hoṛkoakʼ bõs do ḍahao maraokʼa.

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Sereńko 73:12

Noko kangeako onko bạṛicʼ hoṛ do okoe do nirdạndi tahẽkate dhon sompottiko ḍheretʼtako.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Jesaea 37:27

Onḍenko hoṛ doko nijor akana ar ạḍi bạṛicʼko botor akana arko lajao akana. Onko do khet reakʼ ghãs leka, omon rakapʼ akan hạriạṛ cara leka, chad cetanre janam akan ghãs leka ạuri hara rakabokʼregeko tolmojokʼ kana.

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Sereńko 94:4

Onkoakʼ moca khon eken bạḍạite perecʼ bulige oḍok hijukʼ kana; onko bedhoromko doko phulạukʼ kana.

Sereńko 73:22

unre iń do lelha ar bebujgeń hoylena ar am ṭhen do janwar barag geń tahẽkana.