Sereńko 91:2 - সান্তালী বাইবেল

² Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Sereńko 91:2 Referans Kwoze

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 142:5

E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 71:3

Am do ińren aotan buru hoyokʼme one jao okte am ṭheniń sen daṛeakʼ. Am do ińren usul buru ar aotan gaṛ kanam, ar onatege iń rukhiyạyiń lạgitʼem hukum akada.

Sereńko 14:6

Ape okoe do bạṛicʼakʼpe kạmikan, ape do nacar hoṛkoakʼ kạmipe bạṛicʼetʼtakote lajaorepe paṛaoetʼkoa, menkhan Probhu Isorge onkoren hirlạ do.

Sereńko 91:9

“E Probhu Isor, amge ińren hirlạ do.” Am dom goṭa ṭhik akada maraṅ Isorge amren hirlạ kanae;

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Luk 20:38

Menkhan Isor do gocʼkoren Isor doe baṅkana, uni do jiwetʼkoren Isorge. Uni lạgitʼge sanam hoṛ do jiwetʼko tahena.”

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Sereńko 18:3

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khone rukhiyạyińạ.

Sereńko 25:2

E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.

Sereńko 31:15

Amakʼ tirege ińakʼ okteko do; okoe ińko khudạuedeń kan onko bạirikoakʼ ti khon amge bańcaoińme baṛe.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Sereńko 61:5

E Isor, ińakʼ monejoṅakʼko dom ańjomakatʼgea; am okoeko botoram kan ar onko lạgitʼ okaṭakʼ ạidạrim ṭarhao dohoakatʼ ona do amgem emakawạdińa.

Sereńko 142:6

Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.