Sereńko 91:14 - সান্তালী বাইবেল

¹⁴ Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Sereńko 91:14 Referans Kwoze

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Sereńko 91:9

“E Probhu Isor, amge ińren hirlạ do.” Am dom goṭa ṭhik akada maraṅ Isorge amren hirlạ kanae;

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Sereńko 59:1

E Isor, ińren bạirikoakʼ ti khon bańcaoińme; iń upạrtenko khon am do usulakʼre dohokạńme.

1 Bõsbudạ 29:3

Noa sonot sekʼwa oṛakʼ lạgitʼ okań jogaṛ dohoakatʼ ona chaḍa hõ ińren Isorakʼ oṛakʼ cetanre ińakʼ dulạṛ udug lạgitʼ ńitokʼ ińakʼ sona ar rupạń emeda.

Esra 8:31

Pạhil cando reakʼ gelbarakʼ dinre ale do Jerusalem calakʼ lạgitʼ Ahawa soḍokʼ ṭhen khonle mohnḍayena. Ar aleren Isorakʼ ti do ale cetanre tahẽkana ar uni do horre bạiri ar ḍạkukoakʼ ti khone rukhiyạketʼlea.

Sereńko 9:11

Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

Jirimiạ 39:17

menkhan iń do amiń bańcaomea. Am okoeyem botor akokan onkoakʼ tire bam jimạ ocokʼa.