Sereńko 91:1 - সান্তালী বাইবেল

¹ Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 91:1 Referans Kwoze

Sereńko 32:7

Amge ińren danaṅ akan ṭhạ̃i do. Amge gạr khonem horho jaṅge akadińạ chaḍaokʼ reakʼ hulạs sereńte amgem esetʼ ạcur akadińạ. (Sela)

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Sereńko 36:7

E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.

Sereńko 17:8

Mẽtʼ reakʼ moni leka am do rukhiyạyińme; ar okoe ińko hạneńkan onko bạṛicʼ hoṛko khon, ar okoe do gojeń lạgitʼko esetʼ ạcur akadiń onko bạiriko khon, amakʼ phạ̃kṛạ̃kʼ latarre goṅgotʼ dohokańme.

Sereńko 31:20

Onko do amakʼ mẽtʼãhã danaṅre dohokom manwakoakʼ soṛojontro khon hõ danaṅ kom; jhogṛa reakʼ reṭe peṭeko khon amakʼ hirlạrege begar dohokom.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Sereńko 121:5

Probhu Isorge amren rurukhiyạyicʼ; Probhu Isorge amakʼ jojom ti secʼ reakʼ umul do.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Sereńko 90:1

E Probhu Isor, piṛhike piṛhi am kangeam aleren thamgạḍi do.

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Sereńko 52:8

Menkhan iń do Isorakʼ oṛakʼre hara idikʼkan Jạitun dare leka; iń do jaoge Isorakʼ asambheṛ daṛeregeń bhorsa akana.

Sereńko 25:13

Uni do sulukte acʼakʼ jione khemaoa, ar uniren bõsko do disạmre ạidạriko ńama.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Bikʼcạrko 9:15

Unre jạnumanakʼ dare do onkoe metatʼkoa, ‘Aperen raj mente sạrigepe teṅgoyiń khan enḍekhan dela hijukʼte ińakʼ umulre asray hataope. Ar bape onkae khan enḍekhan jạnum jhạuạ khon seṅgel oḍok hijukʼte Lebanon reakʼ debdạru darekoe joma.’